ఆ పాటలో కిట్టు ప్రేమ అర్ధమైందా!?

పండుగలకు చాలానే అప్ కమింగ్ మూవీస్ కి సంబంధించిన టీజర్స్.. ఫస్ట్ లుక్స్.. ప్రోమోస్.. ఇలాంటివి సందడి చేయడం కామన్. కాకపోతే ఇవన్నీ డిఫరెంట్ జోనర్స్ లో ఉంటూ అలరిస్తాయి. కానీ ఇవాళ ప్రేమికుల రోజు కావడంతో.. విడుదల అవుతున్న అన్ని కాన్సెప్ట్స్ ప్రేమతోనే లింక్ అయి ఉంటున్నాయి. ఇప్పటికే ఇలాంటి వాటితో కొన్ని సినిమాలు హల్ చల్ చేసేస్తుంటే.. ఇప్పుడీ లిస్ట్ లోకి రాజ్ తరుణ్ కూడా వచ్చేసి 'అర్ధమైందా' అంటూ నిలదీసేస్తున్నాడు.

కిట్టు ఉన్నాడు జాగ్రత్త అనే టైటిల్ పై తెరకెక్కుతున్న కుక్కల కిడ్నాపర్ గా నటిస్తున్నాడు రాజ్ తరుణ్. వేలంటైన్స్ డే స్పెషల్ గా.. 'అర్ధమైందా' అంటూ సాగే ఓ సూపర్బ్ మెలోడీకి సంబంధించిన లిరికల్ వీడియో రిలీజ్ చేశారు. స్లోగానే ఉన్నా.. కొంచెం స్పీడ్ కనిపించే ఇలాంటి మెలోడీస్ కు.. అనూప్ రూబెన్స్ అదరగొట్టే మ్యూజిక్ ఎప్పుడూ హైలైట్ గా నిలుస్తూ ఉంటుంది. అర్ధమైందా పాట కోసం కూడా అదిరిపోయే ట్యూన్ ఇచ్చాడు అనూప్. ఇక రామజోగయ్య శాస్త్రి సింపుల్ లైన్స్ తో రాసిన పాట అయితే.. విపరీతమైన క్యాచీగా ఉంది.

లిరికల్ సాంగ్ లో కనిపిస్తున్న ఫోటోస్ ను బట్టి రాజ్ తరుణ్-అను ఇమాన్యుయేల్ లు ఓ రేంజ్ లో రొమాన్స్ పండించేశారనే విషయం కనిపిస్తూనే ఉంది. కుక్కలను ఎత్తుకుపోయే కిట్టు.. వేలంటైన్స్ డేకి మాత్రం ఫ్యాన్స్ కి సూపర్బ్ గిఫ్ట్ ఇచ్చాడు.



Like Us on Facebook : https://www.facebook.com/Tupakidotcom/