స్వీటీకి ఈసారి టీమిండియా క్రికెటర్ తో పెళ్లి చేస్తున్నారుగా?

టాలీవుడ్ లో ముద్దుగుమ్ములకు కొదవ లేకున్నా.. వారిలో స్వీటీ అలియాస్ అనుష్క పెళ్లి మీద వచ్చినన్ని వార్తలు మరే సీనియర్ నటి మీద రాలేదని చెప్పాలి. నలభైకి దగ్గర్లోకి వస్తున్న అనుష్కకు ఇప్పటికే బోలెడంతమందితో పెళ్లిళ్లు చేసేయటం తెలిసిందే. డార్లింగ్ ప్రభాస్ తో డీప్ గా డేటింగ్ చేసినట్లుగా వార్తలు వండేయటం.. అలాంటిదేమీ లేదురా బాబు అని ప్రభాస్ మొత్తుకోవాల్సిన పరిస్థితి.

ఆ మధ్యలో బిజినెస్ మ్యాన్ అని.. మరొకటంటూ పలువురితో ఆమె పెళ్లి ఫిక్స్ అయ్యిందన్న వార్తలు తరచూ రావటం.. కొద్ది కాలానికి వరుడు మారటం తెలిసిందే. తాజాగా టీమిండియా క్రికెటర్ తో అనుష్క పెళ్లి ఫిక్స్ అయ్యిందని.. త్వరలోనే ఈ విషయాన్ని అధికారికంగా ప్రకటిస్తారన్న మాట వినిపిస్తోంది.

ఎప్పటిలానే అనుష్క పెళ్లి వైరల్ వార్తగానే మిగిలిపోతుందా? వాస్తవ రూపం దాలుస్తుందా? అన్నది క్వశ్చన్. తాజాగా కోన వెంకట్ నిర్మాణంలో వస్తున్న నిశ్శబ్ధం అనే మూవీలో చేస్తోంది. ఈ మూవీలో ఆమె క్యారెక్టర్ చాలా ఛాలెంజింగ్ అన్న మాట వినిపిస్తోంది. సినిమా మీదనే తన ఫోకస్ అంతా అన్నవేళ లో.. అందుకు భిన్నంగా తెర మీదకు వచ్చిన తన పెళ్లి వార్తలపైన స్వీటీ ఎలా రియాక్ట్ అవుతుందో చూడాలి.