దళపతి 'మాస్టర్' మూవీకి లీక్స్ ప్లస్ అయ్యాయా..??

తమిళ సినీ పరిశ్రమలో సూపర్ స్టార్ రేంజ్ ఫ్యాన్ బేస్ కలిగిన హీరో ఇళయదళపతి విజయ్. రానురాను విజయ్ సినిమాలన్ని పైసావసూల్ మూవీస్ అవుతున్నాయి. మాములుగా విజయ్ సినిమా వస్తుందంటేనే అభిమానులు తారాస్థాయిలో సందడి చేసేస్తారు. థియేటర్లలో కలెక్షన్స్ కూడా అదిరిపోతాయి. అలాంటిది తమ అభిమాన హీరో సినిమా కరోనా లాంటి బిగ్ బ్రేక్ తర్వాత విడుదల కాబోతుందంటే ఫ్యాన్స్ రచ్చ ఏ రేంజ్ లో ఉంటుందో తెలియదు. అయితే గతేడాది ఏప్రిల్ నెలలో విడుదల కావాల్సిన మాస్టర్ సినిమా.. వాయిదాపడుతూ ఈ సంక్రాంతికి విడుదల కాబోతుంది. విజయ్ నుండి బిగిల్ హిట్ తర్వాత వస్తున్న సినిమా కాబట్టి మాస్టర్ సినిమా పై అటు తమిళ ఇటు తెలుగు ప్రేక్షకులలో అంచనాలు భారీగా నెలకొన్నాయి. ఇప్పటికే విడుదల చేసిన పోస్టర్స్, టీజర్స్, ప్రోమోస్ అన్ని విపరీతంగా బజ్ క్రియేట్ చేసాయి. అయితే ఈసారి దళపతి మాస్టర్ సినిమాను పాన్ ఇండియా సినిమాగా విడుదల చేస్తున్నారు మేకర్స్.

ఇదిలా ఉండగా.. స్టార్ హీరోల సినిమాలు విడుదలకు ముందే లీక్ అయితే ఏ రేంజిలో దెబ్బ పడుతుందో తెలిసిందే. కోట్లలో నష్టం వాటిల్లే అవకాశం ఉంది. అయితే విడుదలకు ఒకరోజు ముందే మాస్టర్ సినిమా సీన్స్, వీడియోస్ లీక్ అయ్యాయి. అంతేగాక ఆ వీడియోస్ అన్ని సోషల్ మీడియా అనువర్తనలలో ఫుల్ వైరల్ అయిపోయాయి. అయితే ఈ లీక్ ల వెనక కారణం ఎవరో మేకర్స్ గుర్తించి శిక్షించడం జరిగింది. ప్రస్తుతం సినిమా రిలీజ్ వెనక లోపాలను సరిచేస్తున్నారట. ఇక్కడ ట్విస్ట్ ఏంటంటే.. మాస్టర్ సినిమా లీక్స్ వలన సినిమా పై మరింత హైప్ పెరిగిందే తప్ప ఏం నష్టం జరగలేదని ఇండస్ట్రీ వర్గాలలో టాక్ నడుస్తుంది. నిజంగానే స్టార్ హీరో సినిమా నుండి ఎలాంటి వార్త వచ్చినా ఇట్టే వైరల్ అయ్యే కాలమిది. అలాంటిది రిలీజ్ మూవీ సీన్స్ వచ్చాయంటే బజ్ ఏ రేంజిలో క్రియేట్ అవుతుందో చెప్పక్కర్లేదు. ప్రస్తుతం మాస్టర్ థియేటర్స్ వద్ద అభిమానుల సందడి మాములుగా లేదని సమాచారం. లోకేష్ కనగరాజ్ రూపొందించిన ఈ మాస్టర్ మూవీ.. మరి మాస్టర్ పీస్ గా నిలుస్తుందా లేదా చూడాలి.