అత‌డి వ‌ల్ల‌నే ప్ర‌భాస్- అనుష్క డిస్ట్ర‌బ్ అయ్యారా?

SS రాజమౌళి తెర‌కెక్కించిన 'బాహుబలి' ఫ్రాంచైజీ సూపర్ సక్సెస్ తర్వాత దక్షిణాదిలో అత్యంత ప్రజాదరణ పొందిన అంద‌మైన జంట‌ ప్రభాస్- అనుష్క‌పై ర‌క‌ర‌కాల పుకార్లు షికార్ చేసాయి. ఆ ఇద్ద‌రి మ‌ధ్యా ఎఫైర్ ఉంద‌ని ప్రేమాయ‌ణం సాగిస్తున్నార‌ని ర‌క‌ర‌కాలుగా మీడియా క‌థ‌నాలొచ్చాయి. ముఖ్యంగా తెలుగు మీడియా కంటే హిందీ మీడియా దీనికి ఎక్కువ హైప్ నిచ్చింది. పాన్-ఇండియా స్టార్లలో తనకంటూ ఒక స్థానాన్ని క్రియేట్ చేసుకున్న ప్ర‌భాస్ పై నిరంత‌రం ఏవో గాసిప్పుల‌ను వైర‌ల్ చేసింది బాలీవుడ్ మీడియా.

ప్ర‌భాస్ రాజు బాహుబలి: ది బిగినింగ్ .. బాహుబలి: ది కన్‌క్లూజన్ రెండింటిలోనూ అనుష్క శెట్టితో స్క్రీన్ స్పేస్ ను పంచుకున్నాడు. అంతకుముందు ఈ జంట ప‌లు చిత్రాలలో కలిసి న‌టించారు.అప్పట్లో వీరిద్దరూ ఒకరికొకరు దగ్గరయ్యారనే పుకార్లు షికార్లు చేశాయి. చాలా కాలంగా ప్రభాస్- అనుష్క ఒకరికొకరు డేటింగ్ చేస్తున్నారనే ప్రచారం జరుగుతోంది. కానీ ఇందులో నిజం ఎంత‌? అన్న ప్ర‌శ్న‌ల‌కు అనుష్క కానీ.. ప్ర‌భాస్ కానీ ఏనాడూ దీనిని అంగీక‌రించ‌లేదు. ప్ర‌తిసారీ మంచి స్నేహితులం మాత్ర‌మేన‌ని జ‌వాబిచ్చారు.

అభిమానులు ప్ర‌తిసారీ పెద్ద తెరపై ఈ జంట‌ కెమిస్ట్రీని ఇష్టపడుతుండడం వ‌ల్ల పుట్టుకొచ్చిన పుకార్ గా తెలుగు మీడియాలు భావించాయి. కానీ త‌మ రిలేష‌న్ షిప్ గురించి ఈ జంట‌ ఎప్పుడూ వ్యాఖ్యానించలేదు.. ధృవీకరించలేదు.

అయితే 'కాఫీ విత్ కరణ్ 6'లో కనిపించిన సమయంలో అనుష్కతో డేటింగ్ చేస్తున్నట్టు వచ్చిన పుకార్లపై ప్రభాస్ స్పందించాడు. ఈ షోలో అప్ప‌ట్లోనే SS రాజమౌళి - రానా దగ్గుబాటితో క‌లిసి ప్ర‌భాస్ పాపుల‌ర్ చాట్ షోలో కనిపించాడు. ఈ షోలో KJo ప‌దే ప‌దే ప్రభాస్- అనుష్కల రిలేషన్ షిప్ స్టేటస్ గురించి ఆరా తీసేందుకు ప్రయత్నించినప్పుడు ప్ర‌భాస్ దానిని ఖండించారు. సాహో స్టార్ ప్ర‌భాస్ 'కుచ్ కుచ్ హోతా హై' డైరెక్టర్ ఆ పుకార్లను వ్యాప్తి చేశారని ఆరోపించారు. వారి మ‌ధ్యా స‌ర‌దా సంభాష‌ణ‌ల‌ను అభిమానులు కూడా ఆస్వాధించారు.

కరణ్ అడిగిన ప్రశ్నకు సమాధానంగా ప్ర‌భాస్ ఛ‌మ‌త్క‌రిస్తూ..''మీరు వాటిని (డేటింగ్ రూమ‌ర్లను) ప్రారంభించారు'' అని సమాధానం ఇచ్చారు. అయితే KJo లేదా ప్ర‌భాస్ నుంచి అభిమానులు ఈ సమాధానాన్ని ఆశించలేదు. అయితే ప్రభాస్ మాత్రం ఎంతో తెలివిగా క‌చ్చితంగా హోస్ట్ ను మ‌రోమారు అదే ప్ర‌శ్న అడ‌గ‌నివ్వ‌కుండా ఆప‌గ‌లిగాడు.

ఒక ఇంటర్వ్యూలో అనుష్క కూడా తన కోస్టార్ ప్ర‌భాస్ తో అనుబంధం గురించి స్పందిస్తూ, - ''ఆ వార్తల్లో ఏదీ నిజం కాదు. అలాంటి పుకార్ల వల్ల నేను ప్రభావితం కాను. నా పెళ్లి ఎవరికో అంత పెద్ద విషయంగా ఎందుకు మారుతోందో నాకు తెలీదు. సంబంధాన్ని ఎవరూ దాచలేరు. నేను నా పెళ్లిని ఎలా దాచగలను? ఇది చాలా సున్నితమైన విషయం. నా గురించి రాసే ప‌త్రిక‌లు మీడియాలు.. అలాగే అభిమానులు ప్రజలు కొంత సున్నితత్వంతో వ్యవహరించాలి'' అని కోరారు.

క్లీన్ స్వీప్ చేయ‌డానికి ప్ర‌భాస్ రెడీ కెరీర్ ప‌రంగా .. బ్యాక్ టు బ్యాక్ సినిమాల‌తో ప్ర‌భాస్ స్పీడ్ చూస్తుంటే అత‌డికి ఎదురే లేద‌ని అర్థ‌మవుతోంది. ఒక సినిమాలో న‌టిస్తూనే మ‌రో రెండు భారీ పాన్ ఇండియా సినిమాల‌ను ప్ర‌క‌టించి ఆశ్చ‌ర్య‌ప‌రిచాడు. వీటిని పాన్ వ‌ర‌ల్డ్ రేంజులో రిలీజ్ చేయాల‌నేది ప్లాన్. వంద‌ల కోట్ల బ‌డ్జెట్ల‌ను వెచ్చించి భారీ గ్రాఫిక్స్ తో విజువ‌ల్ మాయాజాలాన్ని క్రియేట్ చేస్తూనే వైవిధ్య‌మైన క‌థాంశంతో ఆక‌ట్టుకోవాల‌నే ప్ర‌య‌త్నం క‌నిపిస్తోంది. ఔంరౌత్ తో ఆదిపురుష్ 3డి సంక్రాంతి 2023 రేసులో ఉంది. ఈ సినిమా నిర్మాణానంత‌ర ప‌నులు శ‌ర‌వేగంగా పూర్త‌వుతున్నాయి.

ఆదిపురుష్ 3డి కోసం మెలూహా త‌ర‌హాలో లేదా శ్రీ‌రాముడి త‌ర‌హాలో క‌నిపించే పాత్ర‌ను పోషించారు. ఇప్ప‌టికే శ్రీ‌రాముడి గెట‌ప్ తో ఫ‌స్ట్ లుక్ పోస్ట‌ర్లు వైర‌ల్ అయ్యాయి. మ‌రోవైపు నాగ్ అశ్విన్ తో ఫిక్ష‌న్ క‌థాంశానికి త‌గ్గ‌ట్టు శ‌రీరాకృతిని బిల్డ్ చేసాడు. అలాగే నాగ్ సైన్స్ ఫిక్ష‌న్ మూవీలో హీరో పాత్ర చిత్ర‌ణ వేరు. ఇరు సినిమాల కోసం ప్ర‌భాస్ తీవ్రంగా శ్ర‌మిస్తున్నాడు. మ‌రోవైపు కేజీఎఫ్ ప్ర‌శాంత్ నీల్ తో భారీ పాన్ ఇండియ‌న్ మూవీ స‌లార్ కోసం త‌న స‌ర్వాన్ని ప్ర‌భాస్ ధార‌పోసాడ‌ని చిత్ర‌బృందం చెబుతోంది. అంటే ఈ మూడు చిత్రాలు ఒక‌దానితో ఒక‌టి పోటీప‌డుతూ వైవిధ్య‌మైన కంటెంట్ తో ఆక‌ట్టుకోనున్నాయి.

ప్ర‌భాస్ వచ్చే ఏడాది రెండు మూడు భారీ చిత్రాల‌తో దూసుకు వ‌స్తున్న‌డు. ఆదిపురుష్ -సాలార్ రిలీజ్ తేదీల‌పై ఇప్ప‌టికే క్లారిటీ వ‌చ్చేసింది. బాహుబలి తర్వాత సాహో-రాధే శ్యామ్ ..చిత్రాల‌తో వెన‌కంజ వేసినా కానీ ..ఆదిపురుష్ - సాలార్ చిత్రాలు అతన్ని తిరిగి ట్రాక్ లోకి తెచ్చేవిగా అంచనాలేర్ప‌డ్డాయి. సాలార్ ఒక మాస్ కమర్షియల్ చిత్రం. ఇది దేశవ్యాప్తంగా మాస్ ఏరియాల్లో దుమ్ము రేపుతుంద‌ని అంచ‌నా. ఆ తర్వాత ప్రాజెక్ట్ కె పూర్తి క్లాసీ ట‌చ్ తో కొత్త సైన్స్ ఫిక్ష‌న్ క‌థాంశంతో అద్భుతాలు సృష్టిస్తుంద‌ని భావిస్తున్నారు. ఈలోగానే మారుతీతో సినిమా స్పిరిట్ వ‌చ్చేస్తుంది.

2023 జనవరి 12న విడుదల చేయనున్నట్లు ప్రకటించిన ఆదిపురుష్ లో శ్రీరాముడిగా కనిపించనున్నారు. ఈ చిత్రం 500 కోట్ల బడ్జెట్ తో తెర‌కెక్కించ‌గా.. కేవలం VFX కోసం 250 కోట్లు ఖ‌ర్చు చేసారు. జాతీయ అవార్డు గ్రహీత ఓం రౌత్ దర్శకత్వం వహించిన ఈ చిత్రాన్ని పూర్తిగా 3డిలో చిత్రీకరించారు. డార్క్ సెంట్రిక్ థీమ్ టెక్నాలజీతో భారతదేశపు మొదటి చిత్రం సాలార్ వస్తుంది. ఇది భారతీయ సినిమా నిర్మాణంలో ఉన్న అతిపెద్ద కమర్షియల్ చిత్రాలలో ఒకటి. 28 సెప్టెంబర్ 2023న థియేటర్లలో విడుదల కానుంది. భారతీయ సినిమాలో అత్యంత ఖరీదైన ప్రాజెక్ట్ అయిన ప్రాజెక్ట్ K ప్రభాస్ కు ప్రపంచవ్యాప్త కీర్తికి తీసుకువెళుతుందని భావిస్తున్నారు. మహానటి ఫేమ్ నాగ్ అశ్విన్ దర్శకత్వం వ‌హిస్తున్న‌ ఈ చిత్రంలో అమితాబ్ బచ్చన్ - దీపికా పదుకొనే నటిస్తున్నారు. అలాగే అర్జున్ రెడ్డి వెనుక వ్యక్తి సందీప్ రెడ్డి వంగా దర్శకత్వం వహించాల్సిన‌ స్పిరిట్ క్యూలో ఉంది. ఇండియన్ సినిమా క్రేజీయస్ట్ ప్రాజెక్ట్‌లలో ఇదొకటి కానుంది. అనుష్క యువి క్రియేష‌న్స్ లో ఓ క్రేజీ చిత్రంలో న‌టిస్తున్న సంగ‌తి తెలిసిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.