లై ఇవ్వని కిక్.. సూర్య ఇస్తాడా?

ఇటీవల కాలంలో చాలా మంది సీనియర్ హీరోలు ఇతర చిత్రాల్లో స్పెషల్ రోల్స్ చేస్తూ బాగానే ఆకట్టుకుంటున్నారు. సినిమా రిజల్ట్ ఎలా ఉన్నా వారు చేసిన పాత్ర సినిమాకి ప్రధాన ఆకర్షణగా నిలుస్తున్నాయి. అంతే కాకుండా భాషాబేధం లేకుండా పాత్ర కోసం స్టార్ హోదాను కూడా పక్కనపెడుతున్నారు. ఇప్పుడు అదే తరహాలో బహుభాషా నటుడిగా మంచి గుర్తింపు తెచ్చుకున్న అర్జున్ ఇతర హీరోలతో స్క్రీన్ షేర్ చేసుకుంటున్నాడు.

ముఖ్యంగా ఈ హీరో ఈ మధ్య టాలీవుడ్ యువ హీరోలతో ఎక్కువగా పోటీ పడేందుకు ప్రయత్నిస్తున్నాడు. మొన్న లై సినిమాలో వెరైటీ రోల్ లో కనిపించి మెప్పించాడు. అయితే ఆ సినిమా చివరికి నిరాశనే మిగిల్చింది. ఇప్పుడు అదే స్థాయిలో స్టైలిష్ స్టార్ అల్లు అర్జున్ తో పోరాడేందుకు సిద్దమయ్యాడు. వక్కంతం వంశీ దర్శకత్వంలో అల్లు అర్జున్ చేస్తున్న నా పేరు సూర్య అనే సినిమా తెరకెక్కుతున్న సంగతి తెలిసిందే. అయితే ఈ సినిమాలో ఇదివరకే శరత్ కుమార్ ఓ ప్రధాన పాత్రలో నటిస్తుండగా మరొక పాత్రలో యాక్షన్స్ కింగ్ అర్జున్ నటించడానికి గ్రీన్ సిగ్నల్ ఇచ్చేశాడు.

ప్రస్తుతం ఈ సినిమా యూనిట్ కొన్ని భారీ సెట్స్ లలో షూటింగ్ ను జరుపుకుంటోంది. అందుకోసం బన్నీ చాలా కష్టపడుతున్నాడు. పాత్రకు అనుగుణంగా ఇప్పటికే తన బాడీని పెంచేశాడట. ఎప్పుడూ కనిపించని లుక్ లో దర్శనం ఇస్తున్నట్లు తెలుస్తోంది. ఇక సినిమాలో యాక్షన్ కింగ్ అర్జున్ నెగిటివ్ పాత్రలో కనిపించే అవకాశం ఉన్నట్లు తెలుస్తోంది. ఒకవేళ అదే నిజమైతే అర్జున్ వర్సెస్ అర్జున్ యుద్ధం జరుగుతుందా అని అభిమానులు అనుకుంటున్నారు. మరి నితిన్ కు అపజయాన్ని ఇచ్చిన అర్జున్- అల్లు అర్జున్ కి హిట్ ఇస్తాడో లేదో చూడాలి.