హాట్ ఎఫైర్‌ పై క‌న్ఫ‌ర్మేష‌న్‌

ఏడాది కాలంగా హాట్ గాళ్ మ‌లైకా అరోరాఖాన్- అర్జున్ క‌పూర్ ఎఫైర్ గురించి ఇంటా బ‌య‌టా మోతెక్కిపోతున్న సంగ‌తి తెలిసిందే. బాలీవుడ్ టు టాలీవుడ్, ఇత‌ర ప‌రిశ్ర‌మ‌ల్లో ఈ ఎఫైర్ గురించి మీడియాలు క‌థ‌నాలు వండి వారుస్తున్నాయి. అయితే ఆ ఇద్ద‌రూ తాము ఒక‌రితో ఒక‌రు క‌లిసి ఉన్నామ‌ని కానీ, ప్రేమ‌లో ఉన్నామ‌ని కానీ క‌న్ఫామ్ చేయ‌లేదు. కానీ ఆ ఇద్ద‌రి ప్రేమాయ‌ణాన్ని క‌న్ఫామ్ చేస్తూ మీడియాలో క‌థ‌నాలు వ‌చ్చేస్తున్నాయి. వాస్త‌వానికి ఇందులో నిజం ఎంత‌? అన్న దానికి `కాఫీ విత్ క‌ర‌ణ్` సాక్షిగా క‌ర‌ణ్ జోహార్ అస‌లు నిజాన్ని బ‌య‌ట‌పెట్టారు. ప్ర‌స్తుతం దీనిపై యువ‌త‌రంలో వేడెక్కించే చ‌ర్చ సాగుతోంది.

ఇదివ‌ర‌కూ బాహుబ‌లి త్ర‌యం రాజ‌మౌళి- ప్ర‌భాస్- రానాల‌తో అదిరిపోయే ఎపిసోడ్ చేసిన క‌ర‌ణ్ జోహార్ ఈ వారం క్రికెట‌ర్ల‌ను ఆహ్వానించారు. కె.ఎల్‌.రాహుల్, హార్థిక్ పాండ్య ఇద్ద‌రితో కాపీ విత్ క‌ర‌ణ్ షో వేడెక్కిస్తోంది. ఇద్ద‌రు కుర్ర క్రికెట‌ర్లు త‌మ ల‌వ్వాయ‌ణాల గురించి ముచ్చ‌టించాల్సి వ‌చ్చింది. ఈ సంద‌ర్భంలోనే కె.ఎల్.రాహుల్ ని క‌ర‌ణ్ ఓ ఆస‌క్తిక‌ర ప్ర‌శ్న వేశారు. అందుకు సంబంధించిన ఏవీ ప్రోమో లైవ్ లోకొచ్చింది.

బాలీవుడ్ నాయిక‌ల్లో ఎవ‌రిపై మీ క్ర‌ష్? అని కె.ఎల్.రాహుల్ ని క‌ర‌ణ్ ప్ర‌శ్నించారు. ``అబ్బే అలాంటిదేం లేదు`` అంటూ రాహుల్ మొహ‌మాట ప‌డిపోయాడు. `మ‌లైకానా?` అంటూ రెట్టిస్తూ ప్ర‌శ్నించారు క‌ర‌ణ్. అస్స‌లు కానే కాద‌ని కంగారు ప‌డిపోయిన రాహుల్ ``అర్జున్ క‌పూర్ తో మ‌లైకా డేటింగ్ చేస్తోంది క‌దా?`` అని ఎదురు ప్ర‌శ్నించాడు. మొత్తానికి అలా క్ర‌ష్ పేరుతో అస‌లు సీక్రెట్ ని కాఫీ షో బ‌య‌ట‌పెట్టింది. ఓ ర‌కంగా క‌ర‌ణ్ జోహార్ ఆ జోడీ ఎఫైర్ ని క‌న్ఫామ్ చేసిన‌ట్టే అన్న మాటా వినిపిస్తోంది. కాఫీ విత్ క‌ర‌ణ్ షో గ‌త కొన్ని ఎపిసోడ్లుగా ప్ర‌త్యేకంగా బుల్లితెర వీక్ష‌కుల్ని రంజింప‌జేయ‌డంపైనా నెటిజ‌నుల్లో వాడి వేడిగా చ‌ర్చ సాగుతోంది.