హాఫ్ గాళ్ ఫ్రెండ్.. ఫుల్ లిప్ లాక్

దేశవ్యాప్తంగా సూపర్ హిట్ గా నిలిచిన చేతన్ భగత్ నవల హాఫ్ గాళ్ ఫ్రెండ్.. అదే పేరుతో హిందీలో తెరకెక్కుతున్న విషయం తెలిసిందే. అర్జున్ కపూర్.. శ్రద్ధా కపూర్.. రియా చక్రవర్తి నటించిన ఈ చిత్రం.. ఇప్పటికే షూటింగ్ పూర్తి చేసేసుకుని విడుదలకు సిద్ధమైపోయింది కూడా.

సమ్మర్ లో రిలీజ్ కానున్న హాఫ్ గాళ్ ఫ్రెండ్ చిత్రానికి ఇప్పుడు ప్రమోషన్స్ పెంచేస్తున్నారు. ఏప్రిల్ 10న ఈ చిత్రం థియేట్రికల్ ట్రైలర్ విడుదల కానుండగా.. ఇప్పుడు జనాలను ఆకట్టుకునేందుకు కొత్త పోస్టర్లను చాలానే వదిలారు. వీటిలో అందరినీ అట్రాక్ట్ చేస్తున్న ఓ లిప్ లాక్ ఫోటో కూడా ఉంది. అర్జన్ కపూర్ ఓ టూ వీలర్ పై కూర్చుని ఉంటే.. బ్యాక్ ఓ పెద్ద బ్యాగ్ తగిలించుకున్న శ్రద్ధా కపూర్.. ఎంతో శ్రద్ధగా హీరోకి లిప్ లాక్ చేసేస్తోంది. పోస్టర్ లో లిప్ లాక్ కనిపించడం లేదు కానీ.. కాన్సెప్ట్ లో మాత్రం బోలెడంత రొమాన్స్ మిక్స్ అయిపోయి ఉంది.

హాఫ్ గాళ్ ఫ్రెండ్ అయినా.. ఫుల్ లిప్ లాక్ చేసేయడంతో.. అర మోడ్పు కన్నులతో ఎంజాయ్ చేసేస్తున్నాడు హీరో. చీకటి బ్యాక్ గ్రౌండ్ కూడా కలిసి రావడంతో.. ఈ పోస్టర్ భలే అట్రాక్టివ్ గా ఉంది. బీహార్ లోని ఓ టౌన్ నుంచి వచ్చిన అబ్బాయికి.. ఓ అల్ట్రా మోడర్న్ అమ్మాయికి మధ్య జరిగే ప్రేమ కథే ఈ హాఫ్ గాళ్ ఫ్రెండ్. మే 19న రిలీజ్ కానున్న హాఫ్ గాళ్ ఫ్రెండ్ పై బాలీవుడ్ లో చాలానే అంచనాలున్నాయి.

Like Us on Facebook : https://www.facebook.com/Tupakidotcom/