అర్జున్ కి గుండు అయింది!

అర్జున్ కపూర్ పేరు ఇప్పుడు చాలా పాపులర్. ఒక రీజన్ ఏంటంటే బోనీ కపూర్ మొదటి భార్య కుమారుడు.. బోనీ రెండో భార్య శ్రీదేవి మరణించిన తర్వాత జాన్వీ.. ఖుషీలను అక్కున చేర్చుకోవడమే కాకుండా.. తండ్రి బోనీ కపూర్ కు తోడుగా నిలబడ్డాడు. రెండో రీజన్ ఎంటంటే.. తనకంటే 15 ఏళ్ళు పెద్దదయిన మలైకా అరోరా ఖాన్ తో డేటింగ్ చేస్తున్నాడు. మలైకా ఇప్పటికే అర్బాజ్ కు విడాకులు ఇచ్చి విడిగా ఉంటోంది. త్వరలో మలైకాను పెళ్ళి చేసుకోబోతున్నాడని ఇప్పటికే బాలీవుడ్ మీడియా కోడై కూస్తోంది.

ఇవన్నీ అందరికీ తెలిసిన న్యూస్. మరి కొత్త వార్త ఏంటంటే.. అర్జున్ కపూర్ గుండు చేయించుకున్నాడు. ఎందుకంటే.. తన తాజా చిత్రం కోసం. అర్జున్ తన తదుపరి చిత్రాన్ని ఆశుతోష్ గోవారికర్ దర్శకత్వంలో చేస్తున్నాడు. 'పానిపట్' పేరుతో తెరకెక్కనున్న ఈ సినిమాలో పేష్వా వీరుడిగా నటిస్తున్నాడు. పేష్వా వశం వారందరూ గుండుతో కనిపిస్తారు. దీంతో ఈ సినిమా కోసం మంగళవారం నాడు గుండు చేయించుకుని.. దాన్ని మీడియా కంటబడకుండా కవర్ చేస్తూ మీడియా కంటికి చిక్కాడు.

ఈ సినిమా మూడో పానిపట్ యుద్దం ఆధారంగా తెరకెక్కుతోంది. ఈ యుద్దం 1761 వ సంవత్సరంలో మరాఠాలకు.. అఫ్ఘన్ యోధులకు మధ్య జరిగింది. ఈ సినిమా డిసెంబర్ 23వ తేదీన సెట్స్‌పైకి వెళ్తుందని సమాచారం. 'లగాన్' లాంటి అధ్బుత చిత్రాన్ని తెరకెక్కించిన గోవారికర్ ఈమధ్య దర్శకత్వం వహించిన సినిమాలు పెద్దగా ప్రేక్షకులను ఆకట్టుకోలేదు. ఇక ఈ సినిమా తో హిట్ సాధించి అర్జున్ కపూర్ కూ బ్రేక్ ఇస్తాడేమో వేచి చూడాలి.