మ‌ళ్లీ దొరికాడు బంతి పూల బావ‌య్యో

గుడి ఎన‌క నా సామీ గుర్ర‌మెక్కావా ఓర‌య్యో!
వంగ తోట కాడా వ‌ల‌పు దోచావా.. మిర‌ప తోట‌లోనా మంట పెట్టావా మావ‌య్యో.. బావ‌య్యో..!!

క‌వుల‌కు సైతం సివాలెత్తించే ఎఫైర్ ఇది. గ‌త కొంత‌కాలంగా అర్జున్ క‌పూర్ - మ‌లైకా వ్య‌వ‌హారం బాలీవుడ్ మీడియా స‌హా అన్ని మీడియాల్లోనూ హోరెత్తిపోతోంది. ఆ ఇద్ద‌రూ తొంద‌ర్లోనే పెళ్లి చేసుకోబోతున్నార‌న్న ముచ్చ‌టా సాగుతోంది. ఇలాగే వ‌దిలేస్తే మ‌లైకా - అర్జున్ ల‌ బ‌యోపిక్ లు తీసేట్టున్నారు అంటూ సెటైర్లు మొద‌లైపోయాయి. ప‌నిలో ప‌నిగా ఈ జంట ఎవ‌రికీ తెలీకుండా జాయింట్ వెంచ‌ర్ లో ఓ అపార్ట్‌ మెంట్ కొనుక్కున్నార‌న్న ప్ర‌చారం కొంత‌కాలంగా వేడెక్కిస్తోంది.

ఆ ఇద్ద‌రూ చాలాసార్లు విమానాశ్ర‌యాల్లో కెమెరా కంటికి చిక్కారు. విదేశీ బీచ్ సెల‌బ్రేష‌న్స్ కి సంబంధించి ప్ర‌తిదీ ఓపెన్ అయిపోయారు. ఆ ఫోటోలు వెబ్ లో జోరుగా వైర‌ల్ అయ్యాయి. అయితే ఈ ఏడాది స‌మ్మ‌ర్ మాటేమిటి? ఎండ వేడి తాట తీస్తోంది క‌దా? ప్రేమ‌ప‌క్షుల సెల‌బ్రేష‌న్స్ ఎక్క‌డా? అంటూ సందేహిస్తున్న వారికి ఇదిగో ఇదే ఆన్స‌ర్. ఆన్ లొకేష‌న్ నుంచి నేరుగా ఓ ఫోటో లీకైంది. అర్జున్ - మ‌లైకా జంట ఎవ‌రికీ చిక్క‌కుండా సీత‌ల ప‌వ‌నాల్లో సెలబ్రేష‌న్స్ కి ప్రిపేర‌వుతున్నార‌ని ఈ ఫోటో లీక్ చెబుతోంది. ప్ర‌స్తుతం దీనిపై మ‌రోసారి బాలీవుడ్ మీడియా చిలువలు ప‌లువలుగా క‌థ‌లు అల్లేస్తోంది. క‌నీసం ఇలాంటి సెల‌బ్రేష‌న్స్ విష‌యంలో అయినా కాస్తంత ప్రైవ‌సీ కుద‌ర‌డం లేద‌ని పాపం వీళ్లెంత మ‌ద‌న‌ప‌డిపోతున్నారో అంటూ కుర్ర‌కారులో ఒక‌టే జోరుగా చ‌ర్చ సాగుతోంది. అర్జున్ క‌పూర్ ప్ర‌స్తుతం పానిప‌ట్ లాంటి భారీ చిత్రంలో న‌టిస్తున్నాడు. అశుతోష్ గోవారిక‌ర్ ఈ చిత్రానికి ద‌ర్శ‌క‌త్వం వ‌హిస్తున్నారు. ఈ ఏడాది డిసెంబ‌ర్ 6న ఈ చిత్రం రిలీజ్ కానుంది. తాజా ఫోటో లీక్ తో మ‌ళ్లీ దొరికాడు బంతిపూల బావ‌య్యో అంటూ ఒక‌టే సెటైర్లు ప‌డిపోతున్నాయ్.