టీజర్ టాక్: ​కురుక్షేత్రంలో అర్జునుడు

తమిళ్ తెలుగు రెండు సినిమా ఇండస్ట్రిలలో పెద్ద హీరోగా హవా చాటిన అతి కొద్ది హీరోలలో యాక్షన్ హీరో అర్జున్ కూడా ఉంటాడు. మన తెలుగులో శంకర్ డైరెక్ట్ చేసిన జెంటిల్మన్.. ఒకేఒక్కడు వంటి సినిమాలతో మంచి నటుడుగా గుర్తింపు తెచ్చుకున్నాడు. ఆ తరువాత తెలుగులో సినిమాలు చేసినా సెకండ్ హీరోగా చేస్తూ ఇప్పుడు మళ్ళీ తన 150వ సినిమా ''కురుక్షేత్రం''తో తెలుగు ప్రేక్షకులు ముందుకు వస్తున్నాడు.

యాక్షన్ హీరోగా పేరున్న అర్జున్ మళ్ళీ కొన్నేళ్ళ తరువాత పూర్తి స్థాయి యాక్షన్ థ్రిల్లర్ సినిమాతో వస్తునట్లు ఉంది. కురుక్షేత్రం టీజర్లో చూస్తే అర్జున్ ఒక స్పెషల్ సి‌బి‌ఐ ఆఫీసర్ గా సీరియల్ కిల్లర్ ను పట్టుకొనే ఆఫీసర్ గా నటిస్తున్నాడు అనిపిస్తుంది. అర్జున్ తీరును బట్టి అతనికి కూడా ఒక గతంలో ఇటువంటి హత్యలు వలన తన అయనవాళ్లును పోగొట్టుకొన్నట్లు కనిపిస్తుంది. ఇటువంటి సినిమాలు రావడం తక్కువే అయినా వచ్చిన కొద్ది సినిమాలు కూడా విజయవంతం అయ్యాయి అనే చెప్పాలి. మాస్క్ వేసి కోడ్ రాసి మరి తుటాలు పేల్చే కిల్లర్ ను ఎలా పట్టుకుంటాడు అనేది సినిమా కథలా ఉంది. కథ - పాత్రలు ఆధారంగా సాగే థ్రిల్లర్ గా ఉండబోతుందిని చెప్పవచ్చు.

అరుణ్ వైద్యనాథన్ డైరెక్ట్ చేస్తున్న ఈ సినిమాను సుధాన్ నిర్మించాడు. ఈ సినిమాలో అర్జున్ తో పాటుగా తమిళ్ హీరో శరత్ కుమార్ కూతురు వరలక్ష్మి - వైభవ్ రెడ్డి - ప్రసన్న సహ నటులుగా నటిస్తున్నారు. సుహాసిని మణి రత్నం కూడా ఒక ముఖ్యపాత్రలో నటిస్తోంది. అది సంగతి.



Like Us on Facebook : https://www.facebook.com/Tupakidotcom/