'లై'లో ఇంటెలిజెన్స్ ఇలా ఉంటుంది

త్రివిక్రమ్ శ్రీనివాస్ దర్శకత్వంలో అఆ మూవీతో గ్రాండ్ సక్సెస్ కొట్టిన నితిన్.. కాసింత గ్యాప్ తీసుకుని చేస్తున్న మూవీ 'లై'. అందాల రాక్షసి.. కృష్ణగాడి వీర ప్రేమగాధ ఫేమ్ హను రాఘవపూడి దర్శకత్వంలో రూపొందుతున్న ఈ చిత్రంలో మేఘా ఆకాష్ హీరోయిన్ గా నటిస్తుండగా.. సీనియర్ నటుడు అర్జున్ ఓ కీలక పాత్రలో కనిపించనున్నాడు.

ఇప్పుడు లై చిత్రంలో అర్జున్ లుక్ ను యూనిట్ రివీల్ చేసింది. అతన్ని 'లై'లో ఇంటెలిజెన్స్ గా వర్ణించారు. సీరియస్ గా చూస్తున్న అర్జున్ పోస్టర్ ను విడుదల చేయగా.. ఇందులో అర్జున్ చాలా సీరియస్ గా ఆలోచిస్తూ ఉన్నట్లుగా కనిపిస్తుంది. కొన్ని పక్షులను అర్జున్ ఫేస్ కి లింక్ చేసి.. పోస్టర్ ను డిజైన్ చేసిన తీరు ఆకట్టుకుంటుంది. ఆలోచనలు విహరిస్తున్న స్థాయిని చెప్పేందుకు సింబాలిక్ గా పక్షులను చూపించడం అనే పాయింట్ కొత్తగా ఉందని చెప్పాలి. అలాగే క్లీన్ షేవ్ లుక్ తో అర్జున్ చాలా యంగ్ గా కనిపిస్తున్నాడు.మరో వైపు.. ఇదే పోస్టర్ ద్వారా రిలీజ్ డేట్ ను కూడా అనౌన్స్ చేసింది చిత్ర యూనిట్. ఆగస్ట్ 11న నితిన్ మూవీ 'లై' థియేటర్లలోకి రానుంది.

మణిశర్మ అందించిన సంగీతం.. ఈ మూవీ స్పెషల్ అట్రాక్షన్ కానుందనే అంచనాలు ఉన్నాయి. 14 రీల్స్ ఎంటర్టెయిన్మెంట్స్ బ్యానర్ పై రూపొందిన ఈ చిత్రం.. ఇప్పుడు ఇండస్ట్రీలో మంచి బజ్ క్రియేట్ చేస్తోంది. ఫస్ట్ లుక్ నుంచి ప్రతీ పోస్టర్ ఆకట్టుకోగా.. ఇప్పుడు రిలీజ్ కు మరో నెల రోజులు మాత్రమే ఉండడంతో.. పోస్ట్ ప్రొడక్షన్ పనుల్లో కూడా వేగం పెంచారు హను అండ్ నితిన్ టీం.