ఆ హీరో బావ న్యూడ్ ఫోటోలు తీసి..

సెలబ్రిటీల అండ చూసుకుని కొందరి బంధువులు కాస్తంత అతి చేస్తుంటారు. బాలీవుడ్ హీరో అర్జున్ రాంపాల్ బావ ఏకంగా ఓ ఎయిర్ హోస్టెస్ ను మోసం చేశాడు. మద్యం మత్తులో ఆమె న్యూడ్ ఫొటోలు తీసి తన జోలికొస్తే ఆ ఫొటోలు సోషల్ మీడియాలో పెడతానంటూ బెదిరించాడు. దీంతో ఆ ఎయిర్ హోస్టెస్ దీనిపై ముంబయి పోలీసులకు కంప్లయింట్ చేయడంతో సదరు హీరో బావ బాగోతమంతా బయటికొచ్చింది.

అర్జున్ రాంపాల్ సిస్టర్ ను పెళ్లి చేసుకున్న అమిత్ గిల్ ఫైనాన్షియల్ ఇన్వెస్టర్ గా పని చేస్తున్నాడు. అతడికి పరిచయమైన ఎయిర్ హోస్టెస్ వద్ద మూడు పర్సెంట్ వడ్డీకి 18 లక్షలు అప్పుగా తీసుకున్నాడు. ఈ మొత్తానికి వడ్డీ ఇవ్వలేదు. తన డబ్బు తనకు తిరిగి ఇచ్చేయమని అడిగితే అమిత్ గిల్ ఆమెను ఇంటికి పిలిపించి మద్యం తాగించి మత్తులో ఉన్నప్పుడు ఆమెను న్యూడ్ గా ఫొటోలు తీశాడు. తన డబ్బులు తిరిగి ఇచ్చేయమని ఎప్పుడు అడిగినా ఆ ఫొటోలు సోషల్ మీడియాలో బయటపెట్టేస్తానంటూ అమిత్ గిల్ ఆమెను బెదిరిస్తూ వస్తున్నాడు. దీంతో ఆ ఎయిర్ హోస్టెస్ దీనిపై పోలీస్ స్టేషన్ లో కంప్లయిట్ ఇచ్చింది. ఈ మేరకు పోలీసులు అమిత్ గిల్ పై కేసు పెట్టారు.

బాలీవుడ్ లో పడుతూ.. లేస్తూ అన్నట్టుగా అర్జున్ రాంపాల్ కెరీర్ సాగుతోంది. ఆ మధ్య షారుఖ్ హీరోగా చేసిన ఓం శాంతి ఓం.. రావణ్ సినిమాల్లో విలన్ చేసినా ఆశించినంత ఆఫర్లు రాలేదు. తాజాగా డాడీ సినిమాతో అతడి నటనకు పేరొచ్చింది. సినిమా కూడా బాగానే వసూళ్లు తెచ్చిపెట్టింది. ఈలోగా బావ చేసిన పాడుపనితో అతడి ఇమేజ్ కు ఓ డ్యామేజ్ వచ్చిపడింది. పాపం.. అర్జున్ రాంపాల్.