అర్జున్ రెడ్డి సందడి మళ్లీ మొదలైంది

రౌడీ స్టార్‌ విజయ్ దేవరకొండకు ఇంతటి క్రేజ్ వచ్చింది అంటే అది కచ్చితంగా అర్జున్‌ రెడ్డి వల్ల అనడంలో ఎలాంటి సందేహం లేదు. హీరోగా విజయ్ దేవరకొండకు ఒక్కసారిగా స్టార్‌ స్టేటస్ ను దక్కించుకున్నాడు అంటే అది అర్జున్ రెడ్డి వల్లే. ఆ అర్జున్‌ రెడ్డి విడుదల అయ్యి అయిదు సంవత్సరాలు అవుతుంది. ఇంకా కూడా ఆ అర్జున్ రెడ్డి తాలూకు వైబ్స్ కొనసాగుతూనే ఉన్నాయి.

సినిమా విడుదల అయి అయిదు సంవత్సరాలు అయిన సందర్భంగా దర్శకుడు సందీప్ వంగ డిలీటెడ్‌ సన్నివేశాలను విడుదల చేయబోతున్నట్లుగా ప్రకటించి మొదటి డిలీటెడ్‌ వీడియోను విడుదల చేశాడు.

అర్జున్‌ రెడ్డి సినిమా ను దాదాపుగా అయిదు గంటల నిడివితో చిత్రీకరించాం అంటూ గతంలో ఒక ఇంటర్వ్యూలో సందీప్ వంగ తెలియజేశాడు.

ఎడిటింగ్‌ సమయంలో చాలా సన్నివేశాలను ఇష్టం లేకున్నా తీయాల్సి వచ్చిందని.. వాటన్నింటిని ప్రేక్షకుల ముందుకు తీసుకు వస్తానంటూ అర్జున్ రెడ్డి దర్శకుడు అప్పట్లోనే చెప్పాడు. అన్నట్లుగానే ఇప్పుడు ఆయన సినిమా అయిదు సంవత్సరాలు అయిన సందర్బంగా మొదటి డిలీటెడ్‌ సన్నివేశాన్ని విడుదల చేశాడు.

మొదటి డిలీడెట్ సన్నివేశంలో విజయ్ దేవరకొండ మరియు రాహుల్‌ రామకృష్ణ లు కలిసి మాట్లాడుకుంటున్న సన్నివేశం ఉంది. అమ్మ, నాన్న ఒక పది రోజుల తర్వాత కలిస్తే.. నాకు హగ్‌ ఇచ్చి కిస్‌ పెట్టుకునేవాళ్లురా... ఆ రోజు ప్రీతికి ఇచ్చింది అలాంటి కిస్సే, వేరే ఉద్దేశంతో కాదు అయినా దాన్ని ఆమె తండ్రి తప్పుగా అర్థం చేసుకున్నాడు అంటూ విజయ్ దేవరకొండ చెప్పే డైలాగ్ ను చూడవచ్చు. ఆ సన్నివేశంలో రాహుల్‌ రామకృష్ణ డైలాగ్ కూడా ఉంది. ఇలాంటి డిలీటెడ్ సన్నివేశాలు ముందు ముందు చాలానే రాబోతున్నాయి.