మహానుభావుడితో బాహుబలి వారు.. ప్చ్..

మహానుభావుడు సినిమాతో మరో హిట్ తన ఖాతాలో వేసుకున్నాడు యంగ్ హీరో శర్వానంద్. అతి శుభ్రతతో అందరినీ ఇబ్బంది పెట్టే పాత్రలో శర్వానంద్ నటన - సినిమాలోని క్లీన్ కామెడీ ప్రేక్షకులకు బాగా నచ్చింది. డైరెక్టర్ మారుతి ఇంతకుముందు డైరెక్ట్ ఛేసిన భలేభలే మగాడివోయ్ సినిమాలాగానే మహానుభావుడు కూడా ఉందనే టాక్ వినినిపించినా అది కలెక్షన్లపై ఏ మాత్రం ప్రభావం చూపించలేదు. రెండు పెద్ద సినిమాల తర్వాత రిలీజైనా బాక్సాఫీస్ వద్ద సినిమా సత్తా చాటింది.

మహానుభావుడు తర్వాత శర్వానంద్ బాహుబలి నిర్మాతలు శోభు యార్లగడ్డ - ప్రసాద్ దేవినేనిల ప్రొడక్షన్ లో సినిమా చేయాల్సి ఉంది. దర్శకేంద్రుడు కె.రాఘవేంద్రరావు తనయుడు ప్రకాష్ కోవెలమూడితో కలిసి మీడియం బడ్జెట్ లో ఓ రొమాంటిక్ ఎంటర్ టెయినర్ సినిమా ప్లాన్ చేశారు. కానీ ఇప్పుడు ఈ ప్రాజెక్టు నుంచి నిర్మాతలు తప్పుకున్నట్లు తెలుస్తోంది. సినిమాకు కొబ్బరికాయ కూడా కొట్టకముందే ఈ సినిమా ప్రపోజల్ ను పక్కన పెట్టేశారనేది లేటెస్ట్ టాక్. ఎంతో క్రేజీ ప్రాజెక్ట్ అవుతుందని అనుకున్నది ఆదిలోనే ఎందుకు ఆగిపోయిందనే దానిపై ఎవరూ పెదవి విప్పడం లేదు.

ఈ సినిమా నిర్మాణం మొదట్లోనే అటకెక్కేయడం శర్వానంద్ కు కాస్త బాధ కలిగించే విషయమే అయినా దానిని సీరియస్ గా తీసుకోకుండా తన పనిలో బిజీ అయిపోతున్నాడు. స్వామి రారా ఫేం సుధీర్ వర్మ డైరెక్షన్ లో తర్వాత చేయబోతున్న సినిమా షూటింగ్ పై కాన్సన్ ట్రేట్ చేశాడు. ఇందులో రెండు డిఫరెంట్ షేడ్స్ ఉన్న పాత్రలో శర్వానంద్ కనిపించనున్నాడు.