హాలీవుడ్‌ కు మనోళ్లు.. ఈసారి సూపర్ స్టార్‌ హీరోయిన్‌

ఒకప్పుడు హాలీవుడ్‌ సినిమాల్లో ఇండియన్ కనీసం చిన్న పాత్రల్లో కనిపించిన దాఖలాలు లేవు. కాని ఇప్పుడు హాలీవుడ్‌ సినిమాల్లో ఏకంగా ముఖ్య పాత్రల్లో నటించే స్థాయికి చేరారు. బాలీవుడ్ రేంజ్‌ చాలా పెరిగింది. ఇండియన్ సినిమా కు అంతర్జాతీయంగా గుర్తింపు రావడం వల్లే ఈ రేంజ్ లో వరుసగా బాలీవుడ్‌ స్టార్స్ హాలీవుడ్‌ లో ఆఫర్లు దక్కించుకుంటున్నారు అంటున్నారు. ముఖ్యంగా వెబ్‌ సిరీస్ ల శకం మొదలు అయిన తర్వాత హాలీవుడ్‌ మేకర్స్‌ రూపొందుతున్న భారీ వెబ్‌ సిరీస్‌ ల్లో మన స్టార్స్‌ ను నటింపజేస్తున్న విషయం మనం చూస్తూ ఉన్నాం. హాలీవుడ్‌ సినిమాలు మరియు ఇంగ్లీష్‌ వెబ్‌ సిరీస్ ల్లో బాలీవుడ్‌ స్టార్స్‌ ప్రముఖ పాత్రలను దక్కించుకుంటున్నారు.

ఇటీవలే హృతిక్‌ రోషన్‌ నుండి ధనుష్‌ వరకు పలువురు హాలీవుడ్‌ ప్రాజెక్ట్‌ లను కన్ఫర్మ్‌ చేసుకున్నారు. ఇక ఇప్పటికే హ్యూమా ఖురేషీ ఇప్పటికే హాలీవుడ్‌ ప్రాజెక్ట్‌ చేసింది. ఆర్మీ ఆఫ్ ది డెడ్ అనే వెబ్‌ సిరీస్ మరో రెండు వారాల్లో ప్రేక్షకుల ముందుకు రాబోతుంది. నెట్‌ ఫ్లిక్స్ లో స్ట్రీమింగ్ అవ్వబోతున్న ఈ ప్రాజెక్ట్‌ పై అంచనాలు భారీగా ఉన్నాయి. ఇంగ్లీష్‌ ప్రేక్షకులు ఈ వెబ్‌ సిరీస్‌ కోసం గత కొన్ని నెలలుగా ఎదురు చూస్తున్నారు. కొన్ని కారణాల వల్ల ఆలస్యం అయిన ఈ భారీ ప్రతిష్టాత్మక వెబ్‌ సిరీస్‌ లో హ్యూమా ఖురేషీ చాలా కీలక పాత్రలో కనిపించబోతున్నట్లుగా చెబుతున్నారు.

సూపర్‌ స్టార్ రజినీకాంత్‌ మూవీ కాలా సినిమా లో నటించి మెప్పించిన ఈ అమ్మడు ప్రస్తుతం తమిళంలో వాలిమై సినిమా లో కూడా నటిస్తున్నట్లుగా సమాచారం అందుతోంది. ఆమద్య తెలుగులో కూడా ఈమె ఒక సినిమా ఆఫర్‌ ను దక్కించుకున్నట్లుగా వార్తలు వచ్చాయి. కాని ఈమె తెలుగు ప్రాజెక్ట్‌ మాత్రం పట్టాలెక్కలేదు. తమిళంలో మాత్రం వరుసగా ఆఫర్లు దక్కించుకుంటుంది. ఇక హిందీలో ఈమె వరుసగా సినిమా లు మరియు వెబ్‌ సిరీస్ లను చేస్తూనే ఉంది.