తండ్రిని అచ్చుగుద్దినట్టు దింపేసిన స్టార్ హీరో కొడుకు

హీరోల కొడుకులు హీరోలు కావడం సహజం.. మెగాస్టార్ చిరు కొడుకు చరణ్, సూపర్ స్టార్ కృష్ణ కొడుకు మహేష్ బాబు, అన్న ఎన్టీఆర్ మనవడు జూ. ఎన్టీఆర్ .. ఇలా అందరూ సినీ రంగ ప్రవేశం చేసేసి హవాభావాలు, యాక్టింగ్ లు యాజ్ టీజ్ మక్కీ మక్కీ గుద్దేస్తుంటారు.

టాలీవుడ్ లోనే కాదు.. బాలీవుడ్, హాలీవుడ్ లోనూ ఇలా తండ్రులను అనుకరించే కుమారులు కోకొల్లలు. టర్మినేటర్ గా.. హాలీవుడ్ కండలవీరుడిగా పేరు గాంచిన ఆర్నాల్డ్ షార్జ్ నెగర్ గురించి ప్రపంచవ్యాప్తంగా తెలియని వారుండరు. హీరోకు బాడీ బిల్డింగ్ ను తీసుకొచ్చిన ఘనత ఆయనదే. హాలీవుడ్ హీరో తర్వాత 2003-2011 వరకు కాలిఫోర్నియా గవర్నర్ గా పనిచేశారు. సినిమాల తర్వాత రాజకీయ నాయకుడిగాను గుర్తింపు పొందాడు.

తాజాగా ఇప్పుడు వయసు అయిపోయిన ఆర్నాల్డ్ స్థానంలో ఆయన కుమారుడు జోసెఫ్ వచ్చి చేరాడు. లాక్ డౌన్ వేళ ఆయన కుమారుడు జోసెఫ్ తండ్రిలాగే కండలు తిరిగిన ఎక్సర్ సైజు ఫొటోలను పోస్ట్ చేశాడు. అవిప్పుడు వైరల్ గా మారాయి.

అచ్చుగుద్దినట్టు తండ్రిలాగే ఉన్న జోసెఫ్ ఫొటోలను అలనాటి అర్నాల్డ్ ఫొటోలను పోల్చి చూసి తండ్రికి తగ్గ తనయుడు అంటూ అభిమానులు కొనియాడుతున్నారు.

అయితే తండ్రి సినిమా స్టార్ గా ఎదిగితే జోసెఫ్ మాత్రం బిజినెస్ లో డిగ్రీ చేసి ప్రస్తుతం సినిమాల్లో ఎంట్రీకి ఎదురుచూస్తున్నాడు.