ఆర్తి ఆత్మ రాత్రిపూట తిరుగుతుంద‌ట‌

నువ్వు నాకు న‌చ్చావ్ సినిమాతో క‌థానాయిక‌గా కెరీర్ ప్రారంభించిన ఆర్తి అగ‌ర్వాల్ ఆ త‌ర్వాత టాలీవుడ్‌ లో ఉన్న స్టార్ హీరోలంద‌రి స‌ర‌స‌న క‌థానాయిక‌గా న‌టించింది. టాలీవుడ్‌లో స్టార్ హీరోయిన్ స్టాట‌స్‌ని ఎంజాయ్ చేస్తున్న టైమ్‌లోనే ఈ వ‌ర్థ‌మాన తార జీవితంలో అనూహ్య ప‌రిణామాలు చోటు చేసుకున్నాయి. అష్టావ‌క్ర ద‌శ‌ను అధిగ‌మించ‌డంలో ఆర్తి పూర్తిగా చ‌తికిల‌బ‌డింది. ఫ‌లితం వ్య‌క్తి గ‌త జీవితంలో ఎన్నో వైఫ‌ల్యాలు.... చిన్న వ‌య‌సులో త‌ట్టుకోలేన‌న్ని వైఫ‌ల్యాలు ఆర్తిని ఇబ్బంది పెట్టాయి.

ఆరంభ‌మే ప్రేమ‌లో వైఫ‌ల్యం... అటుపై వైవాహిక జీవితంలోనూ క‌ల‌త‌లు.. తండ్రితో వివాదాలు ఇవ‌న్నీ ఆర్తిని పూర్తిగా మాన‌సికంగా కుంగ‌దీశాయి. ఓ వ‌ర్థ‌మాన తార జీవితంలో ఎలాంటివి జ‌ర‌గ‌కూడ‌దో అవ‌న్నీ జ‌రిగాయి. చివ‌రికి ఒబేసిటీ ట్రీట్‌మెంట్ లైఫో థెర‌పీ ఫెయిలై అది హార్ట్ ఎటాక్ కి దారి తీసి చివ‌రికి ప్రాణాలే అనంత వాయువులో క‌లిసిపోయాయి. చిన్న వ‌య‌సులోనే అభిమానుల్ని దుఃఖ సాగ‌రంలో ముంచేసి, అంద‌ని తీరాల‌కు వెళ్లిపోయింది.

అయితే ఆర్తి న‌టించిన ఓ సినిమా ఇప్పుడు రిలీజ‌వ్వ‌డం టాలీవుడ్‌లో చ‌ర్చ‌కొచ్చింది. ఈ సినిమా పేరు ఆత్మ‌. త్వ‌ర‌లోనే రిలీజ్ చేసేందుకు ద‌ర్శ‌క‌నిర్మాత‌లు రెడీ అవుతున్నారు. ఆత్మ‌, ప్ర‌తీకారం నేప‌థ్యంలో కాన్సెప్టుతో తెర‌కెక్కిన ఈ సినిమా ఆర్తి జీవితంలో చిట్ట చివ‌రి సినిమా అని చెబుతున్నారు. సాంకేతిక‌త మేలు చేయాలి. వినాశ‌నానికి దారి తీయ‌కూడ‌ద‌ని చెబుతున్నారు. సెన్సార్ పూర్త‌యిన ఈ సినిమా త్వ‌ర‌లోనే రిలీజ్‌కి వ‌స్తోంది. ఆర్తి అభిమానుల్ని ఈ చిత్రం త‌ప్ప‌క అల‌రించాల‌ని కోరుకుందాం.