ఇంట్రెస్టింగ్ గా శ‌ర్వా 'ఒకే ఒక జీవితం' మోషన్ పోస్టర్..!

యంగ్ అండ్ ప్రామిసింగ్ హీరో శ‌ర్వానంద్ సినిమా రిజల్ట్ తో సంబంధం లేకుండా వరుస సినిమాలు చేస్తూ వస్తున్నాడు. శర్వా కెరీర్‌ లో రూపొందుతోన్న 30వ చిత్రం ''ఒకే ఒక జీవితం''. సైన్స్‌ ఫిక్ష‌న్ ఎలిమెంట్స్‌ తో ఫ్యామిలీ డ్రామాగా రూపొందుతున్న‌ ఈ చిత్రం ద్వారా శ్రీ కార్తిక్ ద‌ర్శ‌కుడిగా ఇండస్ట్రీకి ఇంట్రడ్యూస్ అవుతున్నారు. డ్రీమ్ వారియ‌ర్ పిక్చ‌ర్స్ బ్యాన‌ర్‌ పై ఎస్ ఆర్ ప్ర‌కాశ్ బాబు - ఎస్ ఆర్ ప్ర‌భు ఈ చిత్రాన్ని నిర్మిస్తున్నారు. ఈ చిత్రానికి 'పెళ్లి చూపులు' దర్శకుడు త‌రుణ్ భాస్క‌ర్ డైలాగ్స్ అందిస్తున్నారు.

ఇటీవ‌ల విడుద‌లైన ''ఒకే ఒక జీవితం'' చిత్ర ఫ‌స్ట్‌ లుక్ పోస్ట‌ర్‌ కి మంచి రెస్పాన్స్ వ‌చ్చింది. ఈ నేపథ్యంలో తాజాగా ఈ సినిమాలో శర్వానంద్ పోషించిన ఆది పాత్ర‌కి సంభందించి ఒక‌ స్నీక్ పీక్ ప్రోమోను చిత్ర బృందం విడుద‌ల చేసింది. ఈ వీడియోలో పాట పాడటానికి ఆది ని స్టేజ్ మీదకు పిలుస్తుండగా.. మరికొందరు వెళ్లి పాడమని ప్రోత్సహిస్తున్నారు. అలాగే మ్యూజిక్ ఇన్స్‌ట్రమెంట్స్ ని చూపిస్తూ తరువాత కొన్ని సైన్స్ ఫిక్షన్ అంశాల‌తో ఈ మోషన్ పోస్టర్ ని చూపించారు. చివ‌ర‌లో శర్వానంద్ గిటార్ వాయించడంతో ముగిసిన ఈ ప్రోమో ఇంట్రెస్టింగ్ గా ఉంది.

''ఒకే ఒక జీవితం'' చిత్రంలో శ‌ర్వానంద్ స‌ర‌స‌న తెలుగ‌మ్మాయి రీతూ వ‌ర్మ‌ హీరోయిన్ గా నటిస్తోంది. ఇందులో అక్కినేని అమ‌ల కీల‌క పాత్ర‌ పోషిస్తున్నారు. నాజర్ - వెన్నెల కిషోర్‌ - ప్రియ‌ద‌ర్శి ఇతర స‌పోర్టింగ్ రోల్స్ లో న‌టిస్తున్నారు. ఈ చిత్రానికి జేక్స్ బీజోయ్ సంగీతం స‌మ‌కూరుస్తున్నారు. 'డియ‌ర్ కామ్రేడ్' చిత్రానికి వర్క్ చేసిన సినిమాటోగ్రాఫ‌ర్‌ సుజీత్ సారంగ్ - ఎడిట‌ర్ శ్రీ జిత్ సారంగ్ ఈ చిత్రంలో భాగ‌మ‌య్యారు. సైన్స్ ఫిక్ష‌న్ ఎలిమెంట్స్ తో ఫ్యామిలీ డ్రామాగా రూపొందుతోన్న ఈ చిత్రంలో ఫ్యామిలీ ఆడియ‌న్స్‌ తో పాటు యూత్‌ ని ఆకట్టుకునే అంశాలు కూడా ఉంటాయని చిత్ర యూనిట్ తెలిపింది. ఇప్ప‌టికే షూటింగ్ పూర్తి చేసుకున్న 'ఒకే ఒక జీవితం' మూవీ త్వ‌ర‌లోనే ప్రేక్షకుల ముందుకు రానుంది.