సాహో విలన్ నెంబర్ 2 : ఫస్ట్ లుక్

టాలీవుడ్ మోస్ట్ వాంటెడ్ యాక్షన్ ఎంటర్ టైనర్ సాహో విడుదల తేది దగ్గర పడే కొద్ది యూనిట్ ఇందులోని పాత్రలను ఒక్కొక్కటిగా పరిచయం చేస్తూ ప్రమోషన్ స్పీడు పెంచుతోంది. అందులో భాగంగా నిన్న విలన్స్ లో ఒకడిగా చేసిన నీల్ నితిన్ లుక్ ని పోస్టర్ రూపంలో విడుదల చేయగా ఇవాళ అరుణ్ విజయ్ ది వదిలారు. హెలికాప్టర్ ,ముందు నడుచుకుంటూ వస్తుండగా చాలా స్టైలిష్ గా ఉన్న అరుణ్ విజయ్ లుక్స్ తో అదరగొట్టేశాడు.

బ్లడ్ డజంట్ నీడ్ బ్లడీ ఇన్విటేషన్ అనే ట్యాగ్ కూడా తగిలించారు. అంటే రక్తానికి ప్రత్యేకంగా ఎలాంటి ఆహ్వానం అక్కర్లేదు రావాలని అనిపిస్తే దాన్నెవరూ ఆపలేరు అనే అర్థం వచ్చేలా డిజైన్ చేసిన తీరు బాగుంది. ఇంతకు మించి ఈ పోస్టర్ లో మరీ ఎక్కువ చెప్పుకునే విశేషం అయితే లేదు. అరుణ్ విజయ్ బిల్డప్ చూస్తే విలన్ ఈ రేంజ్ లో ఉంటే ఇక హీరో ప్రభాస్ ఏ లెవెల్ లో విధ్వంసం సృష్టిస్తాడో అనిపిస్తోంది కదూ.

30న విడుదల కానున్న సాహో ఏర్పాట్లలో యూనిట్ బిజీగా ఉంది. ప్రీ రిలీజ్ ఈవెంట్ తాలుకు డీటెయిల్స్ కూడా ఇంకోద్దిరోజుల్లో వెల్లడి కావొచ్చు. ఇలా రోజుకో పాత్రను పరిచయం చేసే ప్లాన్ కూడా ఉన్నట్టు కనిపిస్తోంది. అరుణ్ విజయ్ మనవాళ్ళకు పరిచయమే. రామ్ చరణ్ బ్రూస్ లీలో మెయిన్ విలన్ గా నటించాడు. తమిళ్ లో అరుణ్ విజయ్ కి హీరోగా మంచి మార్కెట్ ఉంది. ఇప్పుడు సాహోకు అది కూడా హెల్ప్ అవ్వడం ఖాయం. నిన్న నీల్ నితీష్ ఇవాళ అరుణ్ విజయ్ రేపు ఎవరి లుక్ వస్తుందో వెయిట్ చేసి చూద్దాం