ప్రభాస్ - నాగ్ అశ్విన్ సినిమాలో అతనే విలన్...!

యంగ్ రెబల్ స్టార్ ప్రభాస్ ప్రస్తుతం రాధాకృష్ణ దర్శకత్వంలో ఓ సినిమా చేస్తోన్న సంగతి తెలిసిందే. ఈ సినిమా తర్వాత ప్రభాస్.. 'మహానటి'తో పాపులర్ అయిన నాగ్ అశ్విన్ డైరెక్షన్‌ లో ఓ సినిమా చేయనున్నాడు. దీనికి సంబంధించిన అధికారిక ప్రకటన కూడా విడుదలైంది. సోసియో ఫాంటసీ బ్యాక్ డ్రాప్ లో తెరకెక్కనున్న ఈ చిత్రాన్ని ప్రముఖ నిర్మాత అశ్వినీదత్ వైజయంతి ప్రొడక్షన్ లో నిర్మించనున్నాడు. ప్రస్తుతం ప్రభాస్ చేస్తున్న చిత్రం పూర్తవగానే ఈ సినిమా మొదలవుతుంది. నాగ్ అశ్విన్ తన గత చిత్రం 'మహానటి'ని అద్భుతంగా తెరకెక్కించి అందరి మన్ననలు పొందాడు. ప్రభాస్ చిత్రాన్ని కూడా ఆయన అదే స్థాయిలో గొప్పగా తెరకెక్కిస్తారని అభిమానులు ఆశిస్తున్నారు. గత రికార్డులను తిరగరాసేలా ఈ మూవీని అత్యంత ప్రతిష్టాత్మకంగా నిర్మించాలని ప్రయత్నాలు సాగుతున్నాయి. అంతర్జాతీయ స్థాయిలో నిర్మించబడుతున్న ఈ సినిమా అన్ని ప్రధాన భాషల్లో విడుదల కానుంది. అందులో భాగంగా నాగ్ అశ్విన్ ప్రస్తుతం ఈ చిత్రంలోని కీలక పాత్రల కోసం స్టార్ యాక్టర్స్ ను తీసుకోవాలని చూస్తున్నాడట.

సినిమాలో హీరోయిజం ఎలివేట్ అవ్వాలంటే విలన్ కూడా స్ట్రాంగ్ ఉండాలి కాబట్టి దాని కోసం ఒక ప్రముఖ నటుడిని సంప్రదిస్తున్నారట. అతనెవరో కాదు 'ధ్రువ' సినిమాతో చాలా గ్యాప్ తీసుకొని టాలీవుడ్ లో విలన్ గా అడుగుపెట్టిన అరవింద్ స్వామి. ప్రభాస్ పర్సనాలిటీకి అరవింద్ స్వామి అయితే కరెక్ట్ గా సెట్ అవుతాడని ఈ ప్రాజెక్ట్ లోకి విలన్ గా తీసుకురావాలని నాగ్ అశ్విన్ ఆలోచిస్తున్నాడట. ఇప్పటికే ఆయనతో ఫోన్ లోనే సంప్రదించినట్లు సమాచారం. అంతేకాకుండా ఈ సినిమాలో హీరోయిన్ కోసం కూడా వేట మొదలుపెట్టాడు డైరెక్టర్. ప్రభాస్ సరసన హీరోయిన్‌ గా బాలీవుడ్ టాప్ హీరోయిన్స్‌ లో కొంతమందిని అనుకుంటున్నారట. లాక్ డౌన్ తరువాత వీటిపై అధికారిక ప్రకటన వచ్చే అవకాశం ఉంది. కాగా సోసియో ఫాంటసీ బ్యాక్ డ్రాప్ సినిమా కావడంతో సహజంగానే విఎఫ్‌ఎక్స్‌ భారీగా ఉంటాయి. దాంతో అశ్వినీదత్ ఈ చిత్రం విఎఫ్‌ఎక్స్ కోసం ప్రత్యేకంగా బడ్జెట్‌ ను కేటాయించారట. తాజా సమాచారం ప్రకారం నాగ్ అశ్విన్ ఈ సినిమాకి సంబంధించిన మొత్తం స్క్రిప్ట్ ను పూర్తి చేసాడట. అంతేకాదు ఈ సినిమాకు సంబందించి ఇప్పటికే ప్రీ ప్రొడక్షన్ పనులు కూడా ప్రారంభించాడట. అవి పూర్తైతే ఈ సినిమా ఈ ఏడాది చివరిలో డిసెంబర్ వరకు సెట్స్ పైకి వెళ్లే అవకాశం ఉంది.