రౌడీ బేబీ పాటకు రచ్చ చేసిన కొత్త జంట!

తమిళ హీరో ఆర్య.. హీరోయిన్ సాయేషాల వివాహం హైదరాబాద్ లో ఘనంగా జరిగిన సంగతి తెలిసిందే. ఈ పెళ్ళికి ఇద్దరి తరఫు బంధువులే కాకుండా సినిమా ఇండస్ట్రీ నుండి ఫ్రెండ్స్ కూడా హాజరయ్యారు. అసలే సెలబ్రిటీ మ్యారేజ్.. ఇక సందడికి లోటేముంటుంది చెప్పండి. విందులో వినోదాలతో ఫుల్ గా రచ్చ చేశారు.

ప్రేమ వివాహం చేసుకున్న ఆర్య.. సాయేషాలు డ్యాన్స్ ఫ్లోర్ ను హీటెక్కించేలా అందరితో కలిసి నిన్న రాత్రి సూపర్ హిట్ పాటలకు డ్యాన్స్ చేయడం విశేషం. అలా కొత్త జంట ఫుల్ జోష్ లో 'రౌడీ బేబీ' పాటకు స్టెప్పులు వేస్తున్నప్పుడు తీసిన వీడియో ఒకటి ఇప్పుడు సోషల్ మీడియాలో వైరల్ అయింది. "హే ఎన్ గోలి సోడావే... ఎన్ కరి కొళంబె.. ఉన్ కుట్టి పప్పీ నా... టేక్ మీ టేక్ మీ' అంటూ తమిళంలో పాట మంచి ఊపుతో సాగుతూ ఉంటే ఆ రిథంకు తగ్గట్టు సూపర్ గా డ్యాన్స్ చేశారు.

అక్కినేని అఖిల్ డెబ్యూ సినిమా 'అఖిల్' తో సాయేషా ఫిలిం ఇండస్ట్రీ కి పరిచయం అయింది. తర్వా త తమిళంలో ఓ మూడు నాలుగు సినిమాలు చేసిన తర్వాత ఆర్య హీరోగా తెరకెక్కిన 'గజనికాంత్' సినిమాలో హీరోయిన్ గా నటించింది. ఈ సినిమా షూటింగ్ సమయంలోనే ఒకరి ప్రేమలో ఒకరు పడిపోయారు... ఇప్పుడు ఒక్కటైపోయారు. ఇంకా ఆలస్యం ఎందుకు 'వన్ ప్లస్ వన్నూ టూ మామా' అని పాట వస్తుంటే డ్యాన్స్ చేస్తున్న కొత్త జంటపై ఒక లుక్కేయండి.


వీడియో కోసం క్లిక్ చేయండి