సైజ్ జీరో కాదు సైజ్ సెక్సీ అనాలి

హీరో ఆర్య సైజ్ జీరో మూవీలో ఓ ఇంట్రెస్టింగ్ క్యార‌క్ట‌ర్‌ చేశాన‌ని చెబుతున్నాడు. అనుష్క‌తో `వ‌ర్ణ` త‌ర్వాత రెండో సినిమా ఇది.` సైజ్ జీరో` ఇంట్రెస్టింగ్ కాన్సెప్టు. అనుష్క స్వ‌యంగా త‌న భుజ‌స్కంధాల‌పై ఈ సినిమాని న‌డిపించింది. ఇలాంటి సినిమాలో క‌థానాయ‌కుడిగా న‌టించ‌డం అంటే క‌త్తిమీద సాము లాంటిదే . అయినా రిస్కు చేశాను... అని అంటున్నాడు ఈ త‌మిళ హీరో.

ఇలాంటి ద్విభాషా చిత్రంలో న‌టించ‌డం చాలా సంతోషంగా ఉంది. స్వీటీ అనుష్క ఈ సినిమా కోసం ఎంతో శ్ర‌మించింది. త‌ను లావుపాటి అమ్మాయిగా క‌నిపించేందుకు చాలా క‌స‌ర‌త్తులే చేసింది. బాగా తిని ప‌ర్స‌నాలిటీని భారీగా పెంచింది. అలా చేయ‌డం అంద‌రికీ సాధ్యం కాదు. అయితే త‌ను అంత లావుపాటి అమ్మాయిగా క‌నిపించినా అందంలో ఏమాత్రం త‌క్కువ కాలేదు. త‌న‌ని సైజ్ జీరో భామ అని కాదు సైజ్ సెక్సీ అని పిల‌వాలి... అంటూ తెగ మురిపెంగా చెబుతున్నాడు ఆర్య‌.

స్వీటీ అనుష్క ప్ర‌స్తుతం సైజ్ జీరో ప్ర‌మోష‌న్‌ తో పాటు బాహుబ‌లి చిత్రం కోసం ప్రిప‌రేష‌న్‌ లో ఉంది. ఈనెల 27న సైజ్ జీరో రిలీజ‌వుతోంది. ఈ సంద‌ర్భంగా త‌మిళంలో ప్ర‌మోష‌న్ కోసం ఆర్య తీవ్రంగా శ్ర‌మిస్తున్నాడు. ఈ వేళ స్వీటీ గురించి చాలానే ఆస‌క్తిక‌ర‌ సంగ‌తులు చెప్పుకొచ్చాడు. ఈ మూవీలో ఓ ఎన్న‌రై కుర్రాడిగా న‌టించా. డాక్యుమెంట‌రీ ఫిలింమేక‌ర్‌ గా క‌నిపిస్తాను. అనుష్క‌కు - సోనాల్‌ కి నాకు మ‌ధ్య ముక్కోణ ప్రేమ‌కథ న‌డుస్తుంటుంది. అది చాలా ఇంట్రెస్టింగ్‌ గా ఉంటుంద‌ని ఆర్య చెప్పుకొచ్చాడు. అదీ సంగ‌తి.