'పుష్ప' విషయంలో ఆర్యా రిజల్ట్స్.. రిపీట్ కాబోతుందా..??

టాలీవుడ్ స్టైలిష్ స్టార్ అల్లు అర్జున్.. లెక్కలమాస్టర్ సుకుమార్ దర్శకత్వంలో తెరకెక్కుతున్న పాన్ ఇండియా మూవీ పుష్ప. సక్సెస్ ఫుల్ ప్రొడక్షన్ హౌస్ మైత్రి మూవీస్ బ్యానర్ పై భారీ బడ్జెట్ తో ఈ సినిమా ఈ మూవీ రూపొందుతుంది. ఈ సినిమాకు రాక్ స్టార్ దేవిశ్రీప్రసాద్ సంగీతం అందిస్తుండగా బన్నీ స‌ర‌స‌న యంగ్ సెన్సేషన్ రష్మిక మంద‌న హీరోయిన్‌గా నటిస్తుంది. ఇప్పటికే రిలీజ్ చేసినటువంటి పుష్ప పోస్టర్లు- టీజర్ సినీ ప్రేక్షకులను విప‌రీతంగా ఆకట్టుకున్నాయి. అల్లు అర్జున్ మొదటిసారి ఊరమాస్‌ లుక్కులో కనిపించి అల్లు ఫ్యాన్స్ అందరికి ట్రీట్ ఇచ్చాడు.

ప్రస్తుతానికి పుష్ప మూవీని ఆగష్టు 13న రిలీజ్ చేయనున్నట్లు ప్రకటించారు మేకర్స్. కరోనా కారణంగా సినిమా షూటింగ్ నిలిచిపోయింది. అడవుల్లో అక్రమంగా జరిగే ఎర్రచందనం స్మగ్లింగ్ నేపథ్యంలో ఈ మూవీ తెరకెక్కుతుంది. ఈ సినిమాలో బ‌న్నీ లారీడ్రైవరుగా కనిపించనున్నాడు. అయితే క‌థ‌, క‌థనం గురించి ప‌క్క‌న పెడితే ఈ సినిమా రెండు భాగాలుగా రెడీ అవుతున్న విషయం తెలిసిందే. ఇప్పటికే మొదటి భాగం షూటింగ్ 90శాతం కంప్లీట్ అయిందని టాక్. ఇప్పటికైతే పుష్ప ఫస్ట్ పార్ట్ ఓ సాంగ్ - రెండు సీన్స్ మాత్రమే బాలన్స్ ఉన్నట్లు టాక్.

అయితే సుకుమార్ - దేవిశ్రీ - బన్నీ కాంబోలో రాబోతున్న మూడో సినిమా ఇది. ఇదిలా ఉండగా.. ఈ కాంబోలో ఇదివరకు వచ్చిన ఆర్య - ఆర్య2 ఆడియో ఆల్బమ్స్ ఎలాంటి హిట్ అందుకున్నాయో విదితమే. అయితే ఆర్య మూవీ సూపర్ హిట్.. కానీ ఆర్య2 అంతలా ఆకట్టుకోలేదు. మరి ఇప్పుడు పుష్ప కూడా రెండు భాగాలుగా రానున్నట్లు ప్రకటించారు. ఈ సినిమా టీజర్ వరకు బాగానే ఆకట్టుకుంది. మరి సినిమా రెండు భాగాలు అయినప్పుడు ఆర్య సిరీస్ రిజల్ట్స్ రిపీట్ కావుకదా అంటూ సోషల్ మీడియాలో పుకార్లు వైరల్ అవుతున్నాయి. మరి చూడాలి ఆ పుకార్లను బీట్ చేస్తారేమో.. ప్రస్తుతం అయితే పుష్ప ఆడియో ఆల్బమ్ పై కూడా భారీ అంచనాలు నెలకొన్నాయి.