కింగ్ ఖాన్ వార‌సుడు హీరో కాడు ఓన్లీ డైరెక్ట‌ర్?

బాలీవుడ్ బాద్ షా షారూఖ్ ఖాన్ న‌ట‌వార‌సుడు బ‌రిలో దిగేదెప్పుడు? ప్ర‌ముఖ తార‌ల వార‌సులంతా హీరోలు అవుతున్నారు. స్టార్ డ‌మ్ ని అందుకుంటున్నారు. అయితే షారూక్ వార‌సుడు ఆర్య‌న్ ఖాన్ తెరంగేట్రం గురించి స‌రైన అప్ డేట్ లేదు. అయితే అత‌డు ఇప్ప‌టికే అక‌డ‌మిక్ స్ట‌డీస్ లో ఉన్నాడు. న‌ట‌శిక్ష‌ణ కూడా సాగుతోంది.

కానీ రంగ ప్ర‌వేశం ఎప్పుడు? అన్న‌దానిపై స‌రైన క్లార‌టీ లేదు. షారూక్ కుమార్తె సుహానా ఖాన్ తెరంగేట్రం త‌ర్వాత ఆర్య‌న్ రంగ ప్ర‌వేశం ఉంటుంద‌ని అభిమానులు భావిస్తున్నారు. కానీ అధికారికంగా ఎలాంటి అప్ డేట్ దీనిపై లేదు.

ఇటీవ‌లే షారూక్ కుమారుడు ఆర్యన్ ఖాన్ పేరు డ్ర‌గ్స్ కేసులో వినిపించింది. జైలుకు వెళ్లి రావ‌డంతో బాద్ షా క‌ల‌త‌కు గుర‌య్యారు. ఇక‌పోతే ఆర్య‌న్ ఖాన్ త‌న‌కు నటనపై ఆసక్తి లేదని చాలాసార్లు పునరుద్ఘాటించాడు. నిజానికి ఆర్యన్‌కి హీరోగా సినిమాల్లోకి రావడానికి ఆసక్తి లేదు. దానికి బదులుగా చిత్రనిర్మాణంలో పాలుపంచుకోవాల‌నుకుంటున్నాడ‌ని అర్థం చేసుకున్నారు.

ఇప్పుడు ఆర్యన్.. దర్శకుడిగా... రచయితగా తనను తాను చూసుకోవాలనే దీర్ఘకాలిక లక్ష్యంతో ఉన్నాడని టాక్ వినిపిస్తోంది. అయితే దీనిపైనా అధికారికంగా ఎలాంటి క్లారిటీ లేదు. ఒక‌వేళ జూనియ‌ర్ ఖాన్ ఆలోచ‌న అదే అయితే తొలుత కెమెరా వెన‌క ప‌ని చేసి ఆ త‌ర్వాత హీరో అవుతాడా? అన్న‌ది కూడా వేచి చూడాలి.

తాజా స‌మాచారం మేర‌కు.. ఆర్య‌న్ తన కలలను నిజం చేసుకోవడానికి సిద్ధంగా ఉన్నాడని తెలిసింది. ప్ర‌స్తుతం రైట‌ర్ గా ఏం చేయాల‌న్న‌దానిపై దృష్టి సారించాడు. స్క్రిప్టు ప‌నుల్లో నిమ‌గ్న‌మ‌వుతున్నాడు. మునుముందు ఫీచర్ ఫిల్మ్ లు వెబ్ సిరీస్ ల‌కు క‌థ‌లు స్క్రిప్టులు అందించే ఆలోచ‌న చేస్తున్నాడు. ఇప్ప‌టికే అమెజాన్ ప్రైమ్ కోసం వెబ్ సిరీస్ స్టోరీ రెడీ చేస్తున్నాడ‌ట‌.

దీనిని రెడ్ చిల్లీస్ ఎంటర్ టైన్ మెంట్ నిర్మించనుంది. ఒక ఫీచ‌ర్ ఫిలిం కూడా ప్లాన్ లో ఉంద‌ట‌. ప్ర‌స్తుతానికి రెడ్ చిల్లీస్ రైటర్స్ రూమ్ లో ఆర్యన్ కూడా పని చేస్తున్నాడు. ఆర్యన్ తన సహ రచయితగా బిలాల్ సిద్ధిఖీతో కలిసి పనిచేస్తున్నట్లు తెలుస్తోంది.

ఇక కింగ్ ఖాన్ వార‌సురాలు సుహానా నెట్ ఫ్లిక్స్ సిరీస్ కోసం రెడీ అవుతోంది. దీనికి గ‌ల్లీ బోయ్స్ జోయా అక్తర్ ద‌ర్శ‌కురాలు. ఇది ఆర్చీ కామిక్స్ ఆధారంగా రూపొందనుంది. ఇందులో ప‌లువురు న‌ట‌వార‌సులు న‌టిస్తుండ‌డం వేడెక్కిస్తోంది. ఇక కింగ్ ఖాన్ వార‌సుడు రైటర్ గా మారుతుంటే.. సుహానా తన నటనా కౌశలంతో అభిమానుల‌కు ట్రీటిచ్చేందుకు రెడీ అవుతోంది.

SRK ప్ర‌స్తుతం అట్లీ ద‌ర్శ‌క‌త్వంలో మూవీ చేస్తున్న సంగ‌తి తెలిసిందే. తదుపరి షెడ్యూల్ ముంబైలో సాగుతోంది. ఇక్క‌డ‌ రెండు రోజుల షెడ్యూల్ పూర్తి చేస్తున్నారు. అలాగే పఠాన్ లోనూ షారూఖ్‌ న‌టిస్తున్నారు. దర్శకుడు రాజ్ కుమార్ హిరానీ సోష‌ల్ కామెడీని ముంబై నేప‌థ్యంలో తెర‌కెక్కించ‌నున్నార‌ని తెలిసింది.