అమెజాన్ ప్రైమ్ లో షారుక్ కొడుకు ట్రూత్

కింగ్ ఖాన్ వార‌సుడు ఆర్య‌న్ ఖాన్ డ్రగ్స్ కొనుగోలుకు సంబంధించిన కేసులో అరెస్ట‌యిన సంగ‌తి తెలిసిందే. సెంట్రల్ ఏజెన్సీ అరెస్టు చేసి విచార‌ణ చేప‌ట్టింది. ఇది ఖాన్ కుటుంబంలో తీవ్ర క‌ల‌త‌కు కార‌ణ‌మైంది. ఆర్యన్ ఖాన్ బెయిల్ పై విడుదలైనప్పటికీ .. కొన్ని ఏజెన్సీలు అతను అలాంటి వాటిలో ప్రమేయం ఉన్నట్లు రుజువు లేదని ధృవీకరించినప్పటికీ.. ఇప్పటికీ కేసు దర్యాప్తులో ఉంది.

తాజా గుస‌గుస‌ల ప్ర‌కారం.. ఆర్యన్ ఖాన్ హీరోగా తన అరంగేట్రం చేయడం లేదు. కానీ అమెజాన్ ప్రైమ్ వీడియో కోసం రచయితగా మార‌డానికి సిద్ధంగా ఉన్నాడు. అత‌డు ఓ వెబ్ సిరీస్ కి స్టోరి అందిస్తున్నాడ‌ని ఇంత‌కుముందు క‌థ‌నాలొచ్చాయి. అయితే ఇన్నాళ్లు లండన్ లో నటుడిగా శిక్షణ పొంది అమెజాన్ కోసం వెబ్ సిరీస్ రాస్తున్నాడా? అని చాలా మంది ఆశ్చర్యపోతున్నారు.

నిజానికి ఆర్యన్ త‌న క‌థ‌ను తానే రాస్తున్నాడు. త‌న‌ను డ్ర‌గ్స్ పేరుతో అరెస్టు చేసిన రాత్రి .. ఆ తర్వాత జరిగిన మొత్తం డ్రామాపై డాక్యుమెంటరీని రూపొందించడంలో సహాయం చేస్తున్నాడని క‌థ‌నాలు వస్తున్నాయి. కేసు ఇప్పుడు న్యాయపరమైన పరిమితులలో ఉన్నందున అటువంటి డాక్యుమెంటరీని తీయడం చాలా ముంద‌స్తు అవుతుంది.

అయితే ఆర్యన్ నెలల తరబడి త‌న‌వారి ప్రవేశం లేకుండా జైలులో ఉంచడం స‌హా అతనికి జరిగిన సంఘటనల ఆధారంగా అవ‌స‌ర‌మ‌య్యే ట్విస్టుల‌పై ఇన్ పుట్ లు ఇస్తున్నాడ‌ని టాక్ వినిపిస్తోంది. మరోవైపు ఆర్యన్ పూర్తిగా కొత్త సిరీస్ తో వస్తున్నట్లు గుస‌గుస‌లు వినిపిస్తున్నాయి.

ఆర్య‌న్ అరెస్ట్ సిస‌లైన ఎమోష‌న్ ఘ‌ట్టం. ఆ త‌ర్వాత ఖాన్ ఇంట్లో స‌న్నివేశం కూడా అంతే ఎమోష‌న్ ర‌గిలించేదే. అందుకే ఇప్పుడు అత‌డు రియ‌ల్ ఇన్సిడెంట్ గురించి రాస్తున్నాడు! అన‌గానే క్యూరియాసిటీ పెరుగుతోంది.