కార్డ్స్ పై మెగా నందమూరి సినిమా?

ఈ రెండు ఫ్యామిలీలు కలిసి ఒక సినిమాలో నటించడమంటే నూటికి తొంభైపాళ్ళు పుకారే అన్నది అందరి అభిప్రాయం. టాలీవుడ్ లో ఎప్పటినుండో కొనసాగుతున్న వీరి తెరపై వైరానికి నేటి యువతరం సంధి కుదిర్చేపనిలో వున్నట్టు తెలుస్తుంది.

వరుసపెట్టి మంచి సెలెక్షన్లతో మార్కులు కొట్టేస్తున్న సాయి ధరమ్ తేజ్ ప్రస్తుతం సుప్రీమ్ షూటింగ్ లో బిజీగా వున్నాడు. అయితే తన తదుపరి ప్రాజెక్ట్ ని డైరెక్ట్ చేసే అవకాశాన్ని సాయికి మొదటి హిట్ అందించిన కె.ఎస్ రవికుమార్ చౌదరి కోరుతున్నట్టు సమాచారం. ఈ సినిమాలో ఇద్దరు హీరోలకు స్థానముండడం మరోహీరోగా నందమూరి కళ్యాణ్ రామ్ కి కధ వినిపించినట్టు తెలుస్తుంది.

తొలి గురువు స్థానంలో సాయి, స్నేహం కారణంగా కళ్యాణ్ రామ్ ఈ ప్రాజెక్ట్ ని అంగీకరిస్తారని రవికుమార్ ఆశలు వ్యక్తం చేస్తున్నారు. సౌఖ్యం సినిమా నీరుగార్చిన నేపధ్యంలో ఈ దర్శకుడిపై అనుమానాలు మొదలయ్యాయి. అయితే ఈ కాంబినేషన్ ని ఒప్పించి హిట్ కొట్టగలిగితే తిరిగి పూర్వపు ఫామ్ ని అందుకోవడం తేలికే..