విజయమ్మ పాత్రలో డ్యాన్సర్ ?

ఉమ్మడి ఆంధ్రప్రదేశ్ ముఖ్యమంత్రిగా ఎంతో గుర్తింపు తెచ్చుకున్న దివంగత వైఎస్.రాజశేఖర్ రెడ్డి బయోపిక్ తెరకెక్కుతోన్న సంగతి తెలిసిందే. యాత్ర అనే టైటిల్ తో రాబోతోన్న ఆ సినిమాలో మమ్ముంటి వైఎస్ పాత్రలో కనిపించబోతున్నారు. గత కొంత కాలంగా ఈ సినిమా గురించి హడావుడి ఎక్కువగా కనిపించకపోయినప్పటికీ ఏదైనా అప్డేట్ వస్తే ఒక్కసారిగా వైరల్ అవుతోంది.

అయితే ఈ బయోపిక్ లో వైఎస్.విజయమ్మ పాత్ర గురించి మొన్నటి వరకు అనేక రూమర్స్ వచ్చాయి. సీనియర్ స్టార్ హీరోయిన్స్ తో దర్శకుడు మహి వి రాఘవ చర్చలు జరిపినట్లు టాక్ వచ్చింది. ముఖ్యంగా నయనతార - రాధికా ఆప్తే వంటి స్టార్ హీరోయిన్స్ పేర్లు చాలా గట్టిగా వినిపించాయి. అయితే రీసెంట్ గా దర్శకుడు ఆ రూమర్స్ కి చెక్ పెట్టేశాడు. విజయమ్మ పాత్రకు ఒక డ్యాన్సర్ ని ఫైనల్ చేశారు.

ఆమె ఎవరో కాదు. బాహుబలి సినిమాలో కన్నా నిదురించారా అనే పాటలో క్లాసికల్ డ్యాన్స్ తో అలరించిన ఆశ్రితా వేముగంటి. అనుష్కకు వదిన పాత్రలో కనిపించిన సంగతి తెలిసిందే. భరత నాట్యం - కూచిపూడి వంటి నృత్యాలతో ఎంతో గుర్తింపు తెచ్చుకున్న ఆమె సినిమాల్లో ఎక్కువగా నటించనని చెప్పారు. కేవలం డ్యాన్స్ కు సంబందించిన పాత్రల్లోనే కనిపిస్తానని అప్పట్లో ఆమె తెలియజేశారు. అయితే సడన్ గా యాత్ర సినిమాలో విజయమ్మ పాత్ర చేయడానికి ఒప్పుకున్నట్లు తెలుస్తోంది. మరి ఈ పాత్ర ఎంత వరకు వర్కౌట్ అవుతుందో చూడాలి.