గల్ఫ్ నిర్మాత కొడుకుతో రెజీనా?

బడాబాబులు తమ కొడుకులని హీరోలుగా పరిచయం చేసేందుకు క్రేజ్ ఉన్న హీరోయిన్లకు భారీ ఆఫర్స్ ఇచ్చి ఒప్పిస్తున్నారు. పారితోషికం గట్టిగా ముడుతుండడంతో.. భామలు కూడా ఇందుకు సై అంటున్నారు. బెల్లంకొండ సురేష్ తన కొడుకు శ్రీనివాస్ ని హీరో చేసేందుకు ఇదే స్టాండ్ తీసుకున్నాడు. అల్లుడు శీను మూవీలో సమంతను హీరోయిన్ గా నటింపచేసి, తమన్నాను ఐటెం సాంగ్ కు ఉపయోగించుకున్నాడు.

ఇప్పుడు గల్ఫ్ డిస్ట్రిబ్యూటర్ అశ్వనీ కుమార్ కూడా ఇలాంటి స్కెచ్ అమలు చేస్తున్నాడు. గల్ఫ్ లో అనేక బిజినెస్ లు ఉన్న అశ్వనీ.. తన కొడుకు ఆకాష్ ను టాలీవుడ్ హీరోగా అరంగేట్రం చేయించబోతున్నాడు. ఇందుకోసం తనే ఓ భారీ చిత్రాన్ని నిర్మించనున్నట్లు తెలుస్తోంది. ఈ మూవీ కోసం ఇప్పటికే టైటిల్ కూడా డిసైడ్ చేసేశారు. శరభ అనే టైటిల్ పై ఆకాష్ హీరోగా తెరకెక్కనుంది. ప్రీ ప్రొడక్షన్ పనులు జరుపుకుని ఏప్రిల్ లో ఈ మూవీ షూటింగ్ ని స్టార్ట్ చేయాలన్నది ఆలోచన. శరభ కోసం ఆకాష్ సరసన రెజీనాను హీరోయిన్ గా తీసుకుంటున్నారు. ఈ సినిమాకి అంగీకరించేందుకు.. రెజీనాకు భారీగానే ముట్టచెప్పారని, అడిగనంత ఇచ్చి హీరోయిన్ గా అగ్రిమెంట్ గా కుదుర్చుకున్నారని తెలుస్తోంది.

అలాగే డైరెక్టర్ విషయంలో కూడా ఏ మాత్రం కాంప్రమైజ్ కావడం లేదుట. ఓ హిట్ డైరెక్టర్ ను ఇప్పటికే అప్రోచ్ కాగా.. ఆయన ఓకే అన్నారని తెలుస్తోంది. అయితే.. ఈ డీటైల్స్ అన్నీ సినిమా ప్రకటనతో పాటు విడుదల చేయాలని నిర్మాత అశ్వనీ కుమార్ భావిస్తున్నారు.