ప్ర‌యోగాల్లో అనుష్క‌ని ఫాలో అవుతున్న స‌మంత‌

2019లో వ‌రుస సినిమాల‌తో అల‌రించిన స‌మంత ఏడాది కాలంగా సైలెంట్ ‌గా వుంటూ వ‌స్తోంది. `జాను` డిజాస్ట‌ర్ రిజ‌ల్ట్ త‌రవాత పూర్తిగా సైలెంట్ అయిపోయిన సామ్ ఖాళీ స‌మ‌యాన్ని త‌నకు న‌చ్చిన వాటికి కేటాయిస్తూ కాల‌క్షేపం చేస్తోంది. లాక్ డౌన్ కార‌ణంగా బ‌య‌టికి రావ‌డానికి ఇష్ట‌ప‌డ‌ని స‌మంత ఇంటి మేడ‌పై కొత్త‌గా వ్య‌వ‌సాయం మొద‌లుపెట్టింది. న‌చ్చిన కూర‌గాయ‌లు పండిస్తూ ప‌లువురిని ఆశ్చ‌ర్యానికి గురిచేసింది.

తాజాగా కొత్త ప్రాజెక్ట్ కి గ్రీన్ సిగ్న‌ల్ ఇచ్చేసింది. మ‌హిళా ప్రాధాన చిత్రంగా రూపొంద‌నున్న ఈ చిత్రాన్ని తెలుగు- త‌మిళ భాష‌ల్లో పాన్ ఇండియా స్థాయిలో తెర‌కెక్కించ‌బోతున్నారు. తాప్సీతో `గే‌మ్ ఓవ‌ర్` వంటి థ్రిల్ల‌ర్ ని అందించిన అశ్విన్ శ‌ర‌వ‌ణ‌న్ ఈ చిత్రాన్ని రూపొందించ‌బోతున్నాడు. సోనీ పిక్చ‌ర్స్ ఇండియా ఈ చిత్రాన్ని నిర్మించ‌బోతోంది. వ‌చ్చే నెల ఈ మూవీ రెగ్యుల‌ర్ షూటింగ్ ప్రారంభం కానుంది.

సైక‌లాజిక‌ల్ థ్రిల్ల‌ర్ ‌గా రూపొంద‌నున్న ఈ చిత్రంలో స‌మంత మూగ యువ‌తిగా క‌నిపించ‌నుంద‌ని వార్త‌లు వినిపిస్తున్నాయి. అనుష్క `నిశ్శ‌బ్దం` చిత్రంలో చెవిటి.. మూగ యువ‌తిగా న‌టించిన విష‌యం తెలిసిందే. ఇదే త‌ర‌హా పాత్ర‌లో మూగ అమ్మాయిగా సామ్ తాజా చిత్రంలో క‌నిపించ‌నుంద‌ట‌. ఈ మూవీతో పాటు స‌మంత వెట‌ర‌న్ డైరెక్ట‌ర్ సింగీతం శ్రీ‌నివాస‌రావు ద‌ర్శ‌క‌త్వంలో ఓ మూవీ చేయ‌బోతోంది. దీనికి సంబంధించిన ప్ర‌క‌ట‌న త్వ‌ర‌లోనే రానుంద‌ట‌.