'పవన్ కు మూడు పెళ్లిళ్లు అయ్యాయి.. నాలుగోది పెండింగ్ ఉంది'

పవర్ స్టార్ పవన్ కళ్యాణ్ ప్రస్తుతం ఓ వైపు సినిమాల్లో నటిస్తూనే మరోవైపు రాజకీయాలపై దృష్టి పెడుతూ రెండు పడవల మీద ప్రయాణం చేస్తున్నారు. సినిమాల సంగతి ఎలా ఉన్నా.. పాలిటిక్స్ లోకి వచ్చి 'జనసేన' పార్టీని స్థాపించిన తర్వాత ప్రత్యర్థి పార్టీలకు చెందినవారు పవన్ వ్యక్తిగత జీవితంపై అనేక విమర్శలు చేస్తూ వస్తున్నారు.

ముఖ్యంగా పవన్ కళ్యాణ్ మూడు పెళ్లిళ్ల కారణంగా చాలా సందర్భాలలో టార్గెట్ చేయబడ్డాడు. ఇప్పటికీ ఈ విషయం మీద జనసేన కార్యకర్తలు మరియు ఆయన అభిమానులు వ్యతిరేక వర్గాన్ని ఎదుర్కివాల్సి వస్తోంది. అయితే ఇప్పుడు లేటెస్టుగా ప్రముఖ జ్యోతిష్యుడు వేణు స్వామి ఓ ఇంటర్వ్యూలో పవన్ వివాహాలపై చెప్పిన జోస్యం ట్రోలర్స్ కు మరింత ఉత్సాహాన్ని ఇచ్చేలా చేసింది.

వేణు స్వామి తాజాగా ఓ యూట్యూబ్ ఛానెల్‌ ఇంటర్వ్యూలో మాట్లాడుతూ.. పవన్ కళ్యాణ్ జాతకంలో నాలుగో పెళ్లి కూడా ఉందని షాకింగ్ కామెంట్స్ చేశారు. అక్కడితో ఆగకుండా అన్నయ్య చిరంజీవి చిన్న కుమార్తె శ్రీజ కూడా మూడు నుంచి నాలుగు పెళ్లిళ్లు చేసుకుంటుందని జోస్యం చెప్పారు.

వేణు స్వామి మాట్లాడుతూ.. ''పవన్ కళ్యాణ్ జాతకంలో 3 నుంచి 4 పెళ్ళిళ్లు ఉన్నాయి. ఆయన అన్న కూతురు శ్రీజ కూడా ఇంకో రెండు మూడు నెలల్లో తన ఫ్రెండ్ ని మూడో పెళ్లి చేసుకోబోతోంది. గురువు నీచంలో ఉన్నాడు.. దాన్ని బట్టి ఒక మనిషికి ఎన్ని పెళ్లిళ్లు అవుతాయనేది మనం అంచనా వేయొచ్చు'' అని అన్నారు.

''శ్రీజ జాతకంలో 3 - 4 పెళ్లిళ్లు ఉన్నాయి. ఇప్పటికే రెండు పెళ్లిళ్లు అయ్యాయి.. ఇంకా రెండు ఉన్నాయి. పవన్ కళ్యాణ్ కి కూడా మూడు నుంచి నాలుగు పెళ్లిళ్లు ఉన్నాయి. బాబాయి అమ్మాయిది ఈక్వల్ జాతకం'' అని ఆయన చెప్పారు.

''పవన్ తన మూడో భార్యకు విడాకులు ఇస్తారా లేదా అనేది అప్రస్తుతం. నేను 3 - 4 పెళ్లిళ్లు అవుతాయని చెబుతున్నా. ఇప్పటికి మూడు అయ్యాయి. ఇంకొకటి పెండింగ్ ఉంది. అది ఇవాళ అవుతదో నెలకు అవుతదో సంవత్సరానికి అవుతదో చూద్దాం''

''పవన్ కళ్యాణ్ వ్యక్తిగత జీవితానికి రాజకీయాలకు సంబంధం లేదు. అది జాతకం ప్రకారం జరుగుతుంది. ఆయన ఎన్ని పెళ్లిళ్లు అయినా చేసుకున్నా అది భార్యాభర్తలకు సంబంధించిన వ్యవహారం. పార్టీ లీడర్ అయినంత మాత్రాన వ్యక్తిగత జీవితం గురించి మాట్లాడకూడదు'' అని వేణు స్వామి చెప్పుకొచ్చారు.

పవన్ కళ్యాణ్ పెళ్లిళ్ల గురించి వేణు స్వామి మాట్లాడిన ఈ వీడియో ఇప్పుడు నెట్టింట వైరల్ గా మారింది. జ్యోతిష్కుడు మాట్లాడిన క్లిప్పింగ్స్ ను సోషల్ మీడియాలో షేర్ చేస్తూ జనసేన అధినేత వ్యక్తిగత జీవితాన్ని టార్గెట్ చేస్తూ పోస్టులు పెడుతున్నారు.

మరోవైపు పవన్ కళ్యాణ్ అభిమానులు మరియు జనసేన కార్యకర్తలు వేణు స్వామిని ట్రోల్ చేస్తున్నారు. తన పాపులారిటీ కోసం జాతకం పేరుతో ఇలా పెళ్లిళ్ల గురించి జోస్యం చెప్పడం ఎంతవరకు కరెక్ట్ అని ప్రశ్నిస్తున్నారు. కేవలం తన వీడియోలకు వ్యూస్ పెంచుకోడానికే ఆయన ఇలాంటి కామెంట్స్ చేసారని విమర్శిస్తున్నారు.

ఏదేమైనా ఏ విషయంలోనైనా పెళ్లిళ్ల గురించి.. వారి ఫ్యామిలీలోని ఇతర సభ్యుల వ్యక్తిగత జీవితంపై ఇలాంటి వ్యాఖ్యలు చేయడం తప్పు అని నెటిజన్లు అభిప్రాయ పడుతున్నారు.పాపులారిటీ కోసం ఇలా జాతకాల పేరిట యూట్యూబ్ చానెల్స్ కి ఎక్కి సమాజం లో ఉన్న టాప్ సెలబ్రిటీస్ పేర్లు చెబుతూ పరువు తీస్తున్నాడు అని మెగా ఫాన్స్ కోపపడుతున్నారు