అశ్వథ్థామ రిలీజ్ డేట్ వచ్చేసిందోచ్..

యువ హీరో నాగ శౌర్య ప్రస్తుతం తన హోమ్ బ్యానర్ అయిన ఐరా క్రియేషన్స్ నిర్మాణంలో తెరకెక్కుతున్న 'అశ్వథ్థామ' చిత్రంలో నటిస్తున్నాడు. ఇది ఐరా క్రియేషన్స్ బ్యానర్ లో తెరకెక్కుతున్న మూడవ చిత్రం. తాజాగా ఈ సినిమాకు సంబంధించిన ఒక ఇంట్రెస్టింగ్ అప్డేట్ బయటకు వచ్చింది.

'అశ్వథ్థామ' సినిమాను జనవరి 31 వ తారీఖున విడుదల చేస్తున్నామంటూ ఫిలిం మేకర్స్ ప్రకటించారు. ఈ సందర్భంగా రిలీజ్ డేట్ పోస్టర్ ను కూడా విడుదల చేశారు. ఈ పోస్టర్ లో నాగ శౌర్య యాక్షన్ హీరో తరహాలో ఒక చక్రం లాంటి ఇనుప వస్తువును కోపంగా విసురుతూ కనిపిస్తున్నాడు. డార్క్ షేడ్ లో ఉన్న దుస్తులు.. శౌర్య ఇంటెన్స్ లుక్ చూస్తుంటే ఈ స్టిల్ ఒక పవర్ ఫుల్ యాక్షన్ సీక్వెన్స్ లో భాగం అయి ఉంటుందనిపిస్తోంది. ఇక ఎప్పటిలాగే శౌర్య ఇంత ఇంటెన్స్ లుక్ లో కూడా హ్యాండ్సమ్ గా ఉన్నాడు.

ఈ సినిమా లో నాగ శౌర్య కు జోడీగా మెహ్రీన్ హీరోయిన్ గా నటిస్తోంది. ఈ సినిమాతో రమణ తేజ అనే నూతన దర్శకుడిని నాగ శౌర్య తెలుగు ఫిలిం ఇండస్ట్రీకి పరిచయం అవుతున్నాడు. ఈ సినిమాను శౌర్య అమ్మగారు ఉష మూల్పూరి నిర్మిస్తుండగా నాన్నగారు శంకర్ ప్రసాద్ సమర్పిస్తున్నారు.