ఆ టైమ్‌ లో నా డ్రస్ నేను కుట్టుకున్నా

బాలీవుడ్‌ ఫైర్‌ బ్రాండ్‌ హీరోయిన్ కంగనా రనౌత్ కెరీర్ లో చాలా ఇబ్బందులను ఎదుర్కొన్న విషయం తెల్సిందే. ఇప్పుడు స్టార్‌ హీరోయిన్ గా వెలుగు వెలుగుతున్న ఈమె ఒకప్పుడు అవకాశాల కోసం ఎన్నో కష్టాలు పడింది. ఆ విషయాన్ని స్వయంగా తానే చెబుతూ ఉంటుంది. కెరీర్ ఆరంభంలో కూడా ఆర్థికంగా చాలా ఇబ్బందులు పడ్డట్లుగా గతంలో చెప్పింది. మరోసారి ఒక ఆసక్తికర విషయాన్ని షేర్‌ చేసింది. రాష్ట్రపతి వద్దకు వెళ్లిన సమయంలో కొత్త డ్రస్ లేకపోవడంతో ఆ సమయంలో డబ్బులు కూడా లేకపోవడంతో నా డ్రస్ నేనే కుట్టుకున్నాను అంది.

56వ జాతీయ చలన చిత్ర వేడుకల్లో భాగంగా నేను నటించిన ఫ్యాషన్ సినిమా లో నటనకు గాను జాతీయ స్థాయిలో ఉత్తమ అవార్డు వచ్చింది. ఆ సమయంలో రాష్ట్రపతి గారి చేతుల మీదుగా అవార్డు అందుకున్నాను. ఆ అవార్డు ప్రధానోత్సవ కార్యక్రమంకు నేను వెళ్లాలంటే ఒక డ్రస్ లేకుండా అయ్యింది. ఆ సమయంలో నా వద్ద డబ్బు లేకపోవడంతో నేనే స్వయంగా డ్రస్ డిజైన్‌ చేసుకుని కుట్టుకున్నాను అంది. ఆ సమయంలో నా కెరీర్ లో చాలా ఇబ్బందులు ఎదుర్కొన్నాను. కొందరు ఇండస్ట్రీలో నన్ను తొక్కేయాలని చూసినా కూడా నేను మాత్రం కష్టపడ్డాను అంది.