ఖిలాడీ థ‌ర్డ్ సింగిల్ ఊర మాస్ ధ‌మ్కీ!

మాస్ మ‌హారాజా ర‌వితేజ క‌థానాయ‌కుడిగా ర‌మేష్ వ‌ర్మ ద‌ర్శ‌క‌త్వంలో `ఖిలాడీ` తెర‌కెక్కుతోన్న సంగ‌తి తెలిసిందే. ఇప్ప‌టికే రిలీజ్ అయిన ప్ర‌చార చిత్రాలు సినిమాపై మంచి హైప్ ని తీసుకొచ్చాయి. ర‌వితేజ ఇమేజ్ కి త‌గ్గ‌ట్టు ప‌క్కా మాస్ కంటెంట్ తోనే ఈ చిత్రాన్ని తెర‌కెక్కిస్తున్నారు. `ఖిలాడీ` టైటిల్ కి మాస్ రాజా స‌రైన జ‌స్టఫికేష‌న్ ఇస్తాడ‌న్న కాన్ఫిడెంట్ ని టీమ్ వ్య‌క్తం చేస్తోంది. ఇక సింగిల్ లిరిక‌ల్స్ తోనే ఖిలాడీ దూసుకుపోతున్నాడు. ఇప్ప‌టికే రెండు సింగిల్స్ రిలీజ్ చేసారు. తాజాగా మూడ‌వ సింగిల్ రిలీజ్ కి ముమూర్తం ఫిక్స్ అయింది. `అట్టా సూడ‌కే` అంటూ సాగే పాట‌ను డిసెంబ‌ర్ 31న రిలీజ్ చేస్తున్న‌ట్లు ఓ ప్రోమో రిలీజ్ చేసారు.

ఇది ప‌క్కా మాస్ సాంగ్ లో అనిపిస్తుంది. రాక్ స్టార్ దేవి శ్రీ ప్ర‌సాద్ మ‌రోసారి మాస్ బీట్ తో అల‌రించడం ఖాయంగా క‌నిపిస్తోంది. మ‌రి ఆ సాంగ్ ఎలా ఉంటుంద‌న్న‌ది? తెలియాలంటే 31 వ‌ర‌కూ వెయిట్ చేయాల్సిందే. ఇక సినిమా అప్ డేట్స్ ని డైరెక్ట‌ర్ రివీల్ చేసిన సంగ‌తి తెలిసిందే. ప్ర‌స్తుతం చివ‌రి పాట షూటింగ్ జ‌రుగుతోంది. ఈ పాట మిన‌హా టాకీ పార్ట్ ..ప్యాచ్ వ‌ర్క్ కూడా పూర్త‌యింది. మ‌రోవైపు నిర్మాణ‌నంత‌ర ప‌నులు జ‌రుగుతున్నాయి. అభిమానుల అంచ‌నాల‌కు ఏమాత్రం త‌గ్గ‌కుండా సినిమా ఉంటుంద‌ని చిత్ర దర్శ‌కుడు రివీల్ చేసారు. అన్ని ప‌నులు పూర్తిచేసి ఫిబ్ర‌వ‌రి 11న చిత్రాన్ని ప్రేక్ష‌కుల ముందుకు తీసుకురానున్నారు.

ఇక‌ మాస్ రాజా ర‌వితేజ మ‌రో రెండు చిత్రాల షూటింగ్ ల‌తోనూ బిజీగా ఉన్న సంతి తెలిసిందే. `రామారావు ఆన్ డ్యూటీ`..`ధ‌మాకా` చిత్రాల్లో న‌టిస్తున్నారు. రెండు ఆన్ సెట్స్ లో ఉన్నాయి. రామారావు చిత్రానికి శ‌ర‌త మండ‌వ ద‌ర్శ‌క‌త్వం వ‌హిస్తున్నారు. `ధ‌మాకా` చిత్రానికి త్రినాధ‌రావు న‌క్కి ద‌ర్శ‌క‌త్వం వ‌హిస్తున్నారు. ఈ రెండు కూడా ప‌క్కా క‌మ‌ర్శియ‌ల్ ఎలిమెంట్స్ ఉన్న చిత్రాలే.