మహేష్ సినిమాలో మీకూ అవకాశం

అవును మీరు చదువుతున్నది నిజమే.. సూపర్ స్టార్ మహేష్ బాబు నటించబోయే తదుపరి సినిమాలో మీకూ నటించే అవకాశం వచ్చింది. చిన్న సినిమాలకు తప్ప పెద్ద పెద్ద హీరోల చిత్రాలకు జరగని క్యాస్టింగ్ ఆడిషన్స్ ఇప్పుడు మహేష్ బాబు సినిమాకు జరుగుతుండడం విశేషం.

వివరాలలోకి వెళ్తే మహేష్ బాబు - మురగదాస్ ల కాంబినేషన్లో తెరకెక్కనున్న సినిమాకోసం అన్ని ఏజ్ గ్రూప్ లకు ఆడిషన్లు జరుగుతున్నట్టు సమాచారం. ఈ ఆడిషన్స్ ఫిలింనగర్ లో వున్న NVR సినిమా ఆఫీస్ లో జరుగుతున్నాయట. ఆసక్తిగల నటీనటులకు అవకాశం కల్పించడంకోసమే ఈ ప్రయత్నం చేస్తున్నట్టు తెలుస్తుంది.

ఈ చిత్రానికి ఎనిమీ అనే టైటిల్ ని పరిశీలిస్తున్నట్టు సమాచారం. హారీస్ జయరాజ్ సంగీతాన్ని అందించనున్నాడు. బాలీవుడ్ నటి పరిణీతి చోప్రా హీరోయిన్. హాలీడే నుండి తిరిగివచ్చిన మహేష్ డైరెక్ట్ గా షూటింగ్ లో పాల్గుంటాడు.