ఈ పిల్ల బాగానే పట్టేసిందే

కొంతమంది హీరోయిన్లు.. అసలు ఇక్కడ ఏమైనా సినిమా చేస్తున్నారా అంటూ మనం తిరిగి చూసేలోపే వారు ఓ నాలుగైదు సినిమాలు చేసేస్తారు. గతంలో ఇలాంటి హీరోయిన్లు చాలామందే ఉన్నారు. అయితే ఏ మాత్రం హైప్‌ కూడా లేకుండా ఇప్పుడు కూడా ఒక హీరోయిన్ అలాగే అలరిస్తోంది.

మాయ.. కేరింత.. వంటి సినిమాల్లో మెరిసిన హీరోయిన్ అవంతిక మిశ్రా. అమ్మడు ఆ సినిమాల్లో యాక్టింగ్ కంటే తన హాట్ లుక్ తోనే బాగా ఆకట్టుకుంది. ఆ తరువాత ఇప్పుడు మీకు మీరే మాకు మేమే సినిమాలో మెరుస్తోంది. దర్శకురాలు బి.జయ తీస్తున్న వైశాఖం లో కూడా ఈమే హీరోయిన్‌. ఢిల్లీ నుండి వచ్చిన ఈ హాట్‌ మోడల్‌ ఇలా కనిపించకుండా 4-5 సినిమాలు చేసేస్తుంటే టాలీవుడ్‌ షాకైపోతోంది. మొన్నామధ్యన వైశాఖం సినిమాలో ఈమె హాట్ లుక్‌ చూసి.. అందరూ కేరింతలు కూడా పెట్టేశారులే.

మొత్తానికి ఇప్పుడు రిలీజవుతున్న ఏ ఒక్క సినిమా హిట్టు కొట్టినా కూడా అవంతిక ఇక్కడ బిజీ అయ్యే ఛాన్సుంది. టాలీవుడ్‌ లో అసలు ఇలాంటి సక్సెస్ లే చాలా బాగుంటాయి. ఎందుకంటే స్టార్‌ హీరోయిన్లయిన తమన్నా వంటి గాళ్స్ అందరూ ఇలా చిన్న సినిమాలతో కొట్టాకే హిట్టయ్యారు.