అవసరాలను వాడుకుంటున్న త్రివిక్రమ్

శ్రీనివాస్ అవసరాల.. అష్టాచెమ్మాతో అందరినీ ఆకట్టుకున్న ఈ యాక్టర్... తర్వాత చాలానే సినిమాలు చేశాడు. డైరెక్టర్ గా మారి ఊహలు గుసగుసలాడే తీసి సక్సెస్ కొట్టాడు. విభిన్నమైన చిత్రీకరణతో.. ట్యాలెంటెడ్ డైరెక్టర్ గా గుర్తింపు పొందాడు అవసరాల. ఇంతకాలం యాక్టర్ గా చేసినా.. స్టోరీకి కీలకంగా ఉండే పాత్రలు మాత్రం దక్కలేదు. తొలిసారిగా ఇలాంటి ఛాన్స్ తలుపు తట్టింది ఇతగాడిని.

మాటలమాంత్రికుడు త్రివిక్రమ్.. తన మూవీలో కీలక పాత్ర ఇస్తున్నాడు. నితిన్ - సమంతలు లీడ్ రోల్స్ లో చేస్తున్న అ..ఆ.. లో అవసరాలకు మంచి పాత్ర ఇచ్చాడట. మూవీకి కీలకమైన ఈ పాత్రలో.. అనేక రకాల షేడ్స్ ఉంటాయట. అందుకే మరో డైరెక్టర్ అయిన అవసరాలను తీసుకున్నట్లు తెలుస్తోంది. అ..ఆ.. అంటే అనసూయా రామలింగం వర్సెస్ ఆనంద్ విహారి అని అర్ధం ఇప్పటికే చెప్పాడు త్రివిక్రమ్. మళయాళీ భామ అనుపమా పరమేశ్వరన్ ను ఇప్పటికే తీసుకున్నారు కూడా. ఇప్పుడు అవసరాల ఎంట్రీ. ట్యాలెంట్ ఉన్నోళ్లందరినీ ఒక చోటకు చేర్చి.. మూడు నెలల్లో ముగించేస్తానంటున్నాడు త్రివిక్రమ్ శ్రీనివాస్.

సంక్రాంతి నాటికి అ.. ఆ.. ను రిలీజ్ చేయబోతున్నట్లు ఇప్పటికే ప్రకటించారు నిర్మాతలు. రీసెంట్ అధికారికంగా షూటింగ్ స్టార్ట్ చేసుకున్న ఈ మూవీని.. తన పంథాకి భిన్నంగా వేగంగా తీస్తున్నాడు త్రివిక్రమ్.