విజువ‌ల్ వండ‌ర్స్ అవ‌తార్ 2 టీజ‌ర్ ట్రైల‌ర్స్

జేమ్స్ కామెరూన్ అవ‌తార్ ఫ్రాంఛైజీ నుంచి వ‌రుస‌గా సినిమాలు విడుద‌ల కానున్న సంగ‌తి తెలిసిందే. ఈ ఏడాది డిసెంబ‌ర్ లో పార్ట్ 2 Avatar: The Way Of Water విడుద‌ల కానుంది. ఇటీవ‌ల సినిమా కాన్ ఉత్స‌వాల్లో అవ‌తార్ టీజ‌ర్ ని విడుద‌ల చేసారు. కానీ ఆల‌స్యంగా అంత‌ర్జాలంలో అందుబాటులోకి వ‌చ్చింది. తాజాగా టీజర్ ట్రైల‌ర్ ఆన్ లైన్ లో విడుదల‌య్యాయి.

ది వే ఆఫ్ వాటర్ నాలుగు అవతార్ సీక్వెల్ లలో ఒకటి .. ఈ సంవత్సరం డిసెంబర్ 16న విడుదల కానుంది. ట్రైలర్ వారాంతంలో థియేటర్లలో ప్రత్యేకంగా ప్లే చేయడం ఆస‌క్తిక‌రం. దీనిని డిస్నీ మార్వెల్ డాక్టర్ స్ట్రేంజ్ ఇన్ ది మల్టీవర్స్ ఆఫ్ మ్యాడ్ నెస్ కి జోడించి విడుద‌ల చేసారు. ఈరోజు ఆన్ లైన్ లోకి వచ్చింది. మొదటి సీక్వెల్ జేక్ సుల్లీ- నవీ నెయిటిరి వారి కుటుంబం ప్ర‌మాదాల నుంచి కాపాడుకునేందుకు స‌రికొత్త ప్రాంతాన్ని సెర్చ్ చేయ‌డం ఈ టీజ‌ర్ లో క‌నిపిస్తోంది. టీజర్ ట్రైలర్ పండోర లో మ‌రో కొత్త కోణాన్ని ఆవిష్క‌రిస్తున్నాయి. ఇందులో ఎంతో ప్రకాశవంతమైన నీలి జలాలు ప్ర‌కృతి అందంగా క‌నిపిస్తున్నాయి. మొదటి భాగం నుండి ఎగిరే జీవులు టోరుక్ .. మొదటిసారిగా కొత్త తిమింగలం ని కూడా ఆవిష్క‌రించారు.

జేమ్ కామెరూన్ అవతార్ 2009లో విడుదలైంది. ప్రపంచవ్యాప్తంగా 2.84 బిలియన్ డాల‌ర్ల (సుమారు 30వేల కోట్లు)తో బాక్సాఫీస్ వద్ద ఆల్-టైమ్ అత్యధిక వసూళ్లు చేసిన చిత్రంగా నిలిచింది. ఈ సినిమా త‌ర్వాత అవెంజ‌ర్స్ - ఎండ్ గేమ్ టాప్ 2లో నిలిచింది. అవ‌తార్ - ద వే ఆఫ్ వాట‌ర్స్ మ‌రోసారి సంచ‌ల‌నాలు సృష్టించ‌డం ఖాయంగా క‌నిపిస్తోంది.