ట్రైలర్‌ ఎక్కడ... రానా కూడా అదే ప్రశ్న

ప్రపంచ వ్యాప్తంగా కోట్లాది మంది అభిమానులను కలిగి ఉన్న హాలీవుడ్‌ అవెంజర్స్‌ కొత్త సిరీస్‌ కోసం అంతా ఎంతో ఆసక్తిగా ఎదురు చూస్తున్నారు. అవెంజర్స్‌ 4 ట్రైలర్‌ కోసం ఎదురు చూస్తున్న ప్రేక్షకులకు గత కొన్ని నెలలుగా నిరాశే ఎదురవుతుంది. ఇండియాలో ఈ చిత్రానికి పెద్ద ఎత్తున అభిమానులు ఉన్నారు. వారిలో టాప్‌ సెలబ్రెటీలు కూడా ఉన్నారనడంలో అతిశయోక్తి లేదు. ఇక అవెంజర్స్‌ 4 ట్రైలర్‌ కావాలంటూ సోషల్‌ మీడియాలో ఒక హ్యాష్‌ ట్యాగ్‌ ట్రెండ్‌ అవుతోంది.

అవెంజర్స్‌ చిత్రం కోసం తెలుగుతో పాటు హిందీ వర్షన్‌ కు రానా డబ్బింగ్‌ చెప్పిన విషయం తెల్సిందే. రానా డబ్బింగ్‌ చెప్పడంతో అవెంజర్స్‌ పై సౌత్‌ లో మరింత ఆసక్తి పెరిగింది. కోట్లాది మంది అవెంజర్స్‌ 4 ట్రైలర్‌ ఎక్కడ అంటూ పోస్ట్‌ చేస్తున్న నేపథ్యంలో రానా కూడా తన ట్విట్టర్‌ పేజీలో ఒక చిన్న వీడియోను పోస్ట్‌ చేసి Where is the Avengers 4 Trailer అంటూ హ్యాష్‌ ట్యాగ్‌ పోస్ట్‌ చేశాడు. రానా పోస్ట్‌ చేసిన వీడియోలో అవెంజర్స్‌ చిత్రంలోని కీలక పాత్రకు డబ్బింగ్‌ చెప్పాడు. హ్యాష్‌ ట్యాగ్‌ పోస్ట్‌ చేయడంతో పాటు ఎంతో మంది అవెంజర్స్‌ మేకర్స్‌ కు రిక్వెస్ట్‌ చేస్తున్నారు. త్వరగా మీరు ట్రైలర్‌ ను విడుదల చేయండి అంటున్నారు. మరి కొందరు ఇంకెంత సమయం తీసుకుంటారు అంటూ సీరియస్‌ వార్నింగ్‌ ఇస్తూ ట్రైలర్‌ కోసం ఎదురు చూస్తున్నామని పోస్ట్‌ చేస్తున్నారు. మొత్తానికి అవెంజర్‌ అభిమానులు అంతా కూడా ఇప్పుడు #WhereistheAvengers4Trailer హ్యాష్‌ ట్యాగ్‌ తో సోషల్‌ మీడియాను ముంచెత్తుతున్నారు.