ఆస్కార్ బ‌రిలో చిన్నారి పెళ్లికూతురు?

చిన్నారి పెళ్లికూతురు టీవీ సీరియ‌ల్‌ తో దేశ‌వ్యాప్తంగా ఫేమ‌స్ అయిపోయింది చిన్నారి అవికాగోర్‌. అదే అమ్మ‌డికి టాలీవుడ్ ఎంట్రీని ఈజీ చేసేసింది. అప్ప‌టికే ఫేమ‌స్ ప‌ర్స‌నాలిటీ కాబ‌ట్టి అవికాగోర్ ఓ సినిమాలో న‌టిస్తోంది అంటే బ‌య్య‌ర్లు పోటీ ప‌డే ప‌రిస్థితి ఏర్ప‌డింది. అవిక హీరోయిన్‌ గా ఒక్కో మెట్టు ఎక్కుతోంది.

ఇప్పుడిప్పుడే గ్లామ‌ర్ ప‌రంగానూ డోస్ పెంచే ప‌నిలో ఉంది. ఉయ్యాల జంపాల‌ - సినిమా చూపిస్త మావ చిత్రాల్లో అవిక న‌ట‌న‌కు మంచి మార్కులు ప‌డ్డాయి. దాంతో పాటే సినిమాలు ఘ‌న‌విజ‌యం సాధించ‌డం ఈ అమ్మ‌డికి టాలీవుడ్‌ లో బాగా క‌లిసొచ్చింది. అయితే ఇలాంటి టైమ్‌ లోనే ఈ అమ్మ‌డు న‌టించిన ఓ క‌న్న‌డ చిత్రం ఆస్కార్ బ‌రిలో నామినేష‌న్‌ కి వెళ్లింది. ఫుట్ పాత్ 2 అనేది సినిమా టైటిల్. ఈ చిత్రంలో అవికాగోర్‌ - ఇషా డియోల్ కీల‌క‌పాత్ర‌ల్లో న‌టించారు. జువ‌నైల్ క్రిమిన‌ల్స్ (బాల నేర‌స్తులు) కాన్సెప్టుతో తెర‌కెక్కిన చిత్ర‌మిది. ఈపాటికే ఈ చిత్రాన్ని జ‌న‌ర‌ల్ కేట‌గిరీలో ఆస్కార్ ఎంట్రీకి పంపిస్తున్నారు.

ఈ సినిమా తెలుగులో మాంజ పేరుతో అనువాద‌మ‌వుతోంది. అయితే ఒక‌వేళ ఆస్కార్ బ‌రిలో అవికాగోర్ సినిమాకి ఏమాత్రం రేసులో దూసుకెళ్లినా అమ్మ‌డి కెరీర్‌ కి అది పెద్ద ప్ల‌స్ అవుతుంది. నిజంగానే అంత సీన్ ఈ సినిమాకి ఉందా? లేదా? అన్న‌ది చూడాల్సిందే.