చిన్నారి పెళ్ళికూతురు.. జంప్‌

చిన్నారి పెళ్లి కూతురు అంటూ అవికా గోర్ ఓ సీరియల్ తోనే దేశం మొత్తం పాపులారిటీ సంపాదించేసింది. హిందీలో చిన్న రోల్స్ ఆఫర్స్ వస్తున్న సమయంలోనే.. టాలీవుడ్ నుంచి హీరోయిన్ ఛాన్స్ రావడంతో, ఇక్కడ జెండా పాతేసింది. వరుసగా సినిమాలు చేసుకుంటూ ఇక్కడ మంచి నటిగానే కాదు, సక్సెస్ ఫుల్ హీరోయిన్ అని కూడా అనిపించుకుంది.

ఉయ్యాలా జంపాలాతో మొదలుపెట్టి, లక్ష్మీ రావే మా ఇంటికి - సినిమా చూపిస్త మామా - తను నేను చిత్రాల్లో నటించింది. ప్రస్తుతం కన్నడలో కేర్ ఆఫ్ ఫుట్ పాత్2 అనే మూవీలో యాక్ట్ చేస్తున్న సమయంలోనే.. అమ్మడు కోలీవుడ్‌ జంప్‌ అయిపోవాలని అనుకుంటోంది. తమిళ్ లో మ్యూజిక్ డైరెక్టర్ గా మొదలు పెట్టి, స్టార్ హీరో రేంజ్ వైపు దూసుకెళ్తున్నజీవీ ప్రకాష్ ప్రధాన పాత్రలో నటిస్తున్న 'కడవుల్ ఇరుక్కన్ కుమారు' చిత్రంలో హీరోయిన్ గా అవికను అడగడం, ఈమె ఒప్పేసుకుంది కూడా. కామెడీ చిత్రాలను తీయడంలో సత్తా చాటుతున్న రాజేష్.. ఈ మూవీని డైరెక్ట్ చేయనున్నాడు. అయితే.. 'కడవుల్ ఇరుక్కన్ కుమారు' మూవీలో మరో హీరోయిన్ కూడా ఉంది.

ఇప్పటికే జీవీ ప్రకాష్ తో ఓ చిత్రంలో నటించన నిక్కీ గల్రానీ మరోసారి అతనితో జత కడుతోంది. ఈ మూవీ జీవీ ప్రకాష్ తనే బాణీలు సమకూర్చుతున్నాడు.