ఆమె వయసు 20.. ఆమె 'రేంజ్‌' రోవర్‌

గ్లామర్ ఫీల్డ్‌ లో సక్సెస్ అవ్వాలంటే మామూలు విషయం కాదు. కొందరు నక్క తోక తొక్కినట్లుగా తక్కువ సమయంలోనే స్టార్స్ అవుతారు. కాని కొందరు పదుల ఏళ్లు ఇండస్ట్రీలో కొనసాగినా కూడా కనీసం సొంత కారు కొనుగోలు చేసుకోలేని వాళ్లు ఉంటారు. కాని ఈమద్య కాలంలో హిందీ ప్రేక్షకుల ఆధరాభిమానాలు సొంతం చేసుకుని కేవలం రెండున్నర మూడు సంవత్సరాల్లోనే స్టార్‌ గా ఎదిగిన ముద్దుగుమ్మ అవనీత్‌ కౌర్‌. ఈమె మొదట బుల్లి తెరపై సీరియల్స్ లో కనిపించింది. ఈమె నటించిన సీరియల్స్ మంచి సక్సెస్‌ అవ్వడంతో పాటు ఈమెకు మంచి గుర్తింపును తెచ్చి పెట్టాయి. సాదారణంగా ఏ సీరియల్‌ ఆర్టిస్టుకు రానంత క్రేజ్‌ ఈ అమ్మడికి చాలా తక్కువ సమయంలోనే వచ్చింది. ఆ క్రేజ్ తోనే ఏకంగా ఈ అమ్మడు సినిమాలో కూడా నటించే అవకాశం దక్కించుకుంది.

కంగనా రనౌత్‌ బ్యానర్‌ లో రూపొందుతున్న టికు వెడ్స్ షెరు సినిమా లో అవనీత్ కౌర్‌ హీరోయిన్ గా నటిస్తుంది. ఆ సినిమా విడుదల అయిన తర్వాత అవనీత్‌ కౌర్‌ బాలీవుడ్‌ లో స్టార్‌ హీరోయిన్ గా మారడం ఖాయం అంటూ ఇండస్ట్రీ వర్గాల వారు అంటున్నారు. ఇండస్ట్రీలో అడుగు పెట్టిన అతి తక్కువ సమయంలోనే ఆమె ఆదాయం భారీగా పెరిగిపోయింది. సీరియల్స్ లో నటించే సమయంలో ఆమె తీవ్రమైన ఆర్థిక సమస్యలతో ఇబ్బంది పడేదట. కాని ఇప్పుడు ఆమె రేంజ్‌ ఏకంగా రేంజ్ రోవర్‌. తాజాగా రెండు కోట్ల ఖరీదైన రేంజ్ రోవర్ ను ఆమె తన ఇంటికి తీసుకు వెళ్లి ఇండస్ట్రీలోని ప్రతి ఒక్కరికి షాక్ ఇచ్చింది.

ఆమె వయసు ఇంకా రెండు పదులు కూడా పూర్తి అవ్వలేదు. అప్పుడే ఆమె కు రేంజ్ రోవర్‌ కారు అంటూ ప్రస్తుతం సోషల్‌ మీడియాలో చర్చ జరుగుతోంది. ఆమె పడ్డ కష్టం కు ఇది ప్రతిఫలం అంటూ అభిమానులు కామెంట్స్ చేస్తుంటే మరి కొందరు మాత్రం ఆమె లక్ అలా ఉందంటూ కామెంట్స్ చేస్తున్నారు. ఎవరు ఏమన్నా కూడా ప్రస్తుతం అవనీత్ కౌర్‌ రేంజ్ ఏమాత్రం తగ్గకుండా రేంజ్ రోవర్ రేంజ్ కు వెళ్లింది. ముందు ముందు ఆమె చేస్తున్న సినిమాలు హిట్ అయితే ఏ స్థాయికి వెళ్తుందో చూడాలి. ఖచ్చితంగా ఆ అమ్మడి రేంజ్ మరో లెవల్‌ అంటూ నెటిజన్స్ అభిప్రాయం వ్యక్తం చేస్తున్నారు. అమ్మాయిలు కష్టపడా ఉన్నత శిఖరాలకు చేరాలి అనుకునే వారు అవనీత్‌ కౌర్ ను ఆదర్శంగా తీసుకోవాలి.