ఫ్లాప్ కాంబో మళ్ళీ ?

కొన్ని సార్లు ప్రేక్షకులు హిట్ సినిమా అయినా మర్చిపోతారేమో గానీ భారీ అంచనాలతో వచ్చి ఫ్లాప్ అయిన సినిమాలను మాత్రం అస్సలు మర్చిపోరు. అలాంటి సినిమానే 'అజ్ఞాతవాసి'. రెండేళ్ళ క్రితం పవర్ స్టార్ -త్రివిక్రమ్ కాంబినేషన్ లో సంక్రాంతి స్పెషల్ గా వచ్చిన ఈ సినిమా బాక్సాఫీస్ దగ్గర ఘోరంగా బోల్తా కొట్టింది. కొన్ని ఏరియాల్లో రెండు మూడు రోజులు కలెక్షన్స్ రాబట్టినా ఫైనల్ గా ఫ్లాప్ సినిమాల లిస్టులో చేరిపోయింది.

అజ్ఞాతవాసిలో పవన్ కళ్యాణ్ సరసన కీర్తి సురేష్ హీరోయిన్ గా కనిపించింది. అప్పట్లో సూపర్ హిట్ ఈ కాంబో అనిపించుకుంది అనుకుంటే సీన్ రివర్స్ అయింది. అయితే ఇప్పుడు మళ్ళీ క్రిష్ సినిమా కోసం మళ్ళీ ఈ జోడీ జతకట్టనుందనే టాక్ వినబడుతుంది. చరిత్రలో కొన్ని పాత్రల చుట్టూ ఓ ఫిక్షన్ స్టోరీ క్రియేట్ చేసి పవన్ కళ్యాణ్ తో సినిమా చేస్తున్నాడు క్రిష్. ఈ సినిమాలో హీరోయిన్ గా ఇంపార్టెన్స్ ఉంటుంది. అందుకే ఎవరైతే బాగుంటుందా అని ఆలోచిస్తూ మేకర్స్ ఫైనల్ గా కీర్తి సురేష్ ను సంప్రదించారట.

పవన్ కళ్యాణ్ సినిమా కావడంతో అమ్మడు గ్రీన్ సిగ్నల్ ఇచ్చేసిందని త్వరలోనే సెట్స్ లో కాలుపెట్టనుందని అంటున్నారు. ఇదే నిజమైతే ఈ ఫ్లాప్ కాంబోను క్రిష్ సూపర్ హిట్ కాంబోగా మారుస్తాడేమో చూడాలి. ప్రస్తుతం అల్యూమినియం ఫ్యాక్టరీ లో బేసిన సెట్ లో పవన్ కళ్యాణ్ పై కొన్ని కీలక సన్నివేశాలు తీస్తోంది యూనిట్. వీలైతే ఈ ఏడాదిలోనే రిలీజ్ చేసేలా ప్లానింగ్ జరుగుతుంది.