అయ్యప్పనుమ్ కూడా పవన్ కోసం మారుతోంది

బాలీవుడ్‌ హిట్‌ మూవీ పింక్ ను పవన్ కళ్యాణ్ వకీల్‌ సాబ్‌ అంటూ రీమేక్ చేసిన విషయం తెల్సిందే. పింక్ కు కమర్షియల్‌ టచ్ ఇచ్చి పవన్ ఇమేజ్ కు తగ్గట్లుగా రూపొందించారు. వకీల్ సాబ్ లో ఫ్ల్యాష్‌ బ్యాక్‌ ఎపిసోడ్ మరియు కీలక యాక్షన్‌ సన్నివేశాలను ప్రత్యేకంగా పవన్ ఇమేజ్ కోసం క్రియేట్‌ చేయడం జరిగింది. పింక్ ఒక లేడీ ఓరియంటెడ్‌ మూవీ కాగా వకీల్ సాబ్‌ ను పక్కా కమర్షియల్‌ మాస్ హీరో సినిమా గా మార్చేశారు. వకీల్ సాబ్‌ కు చేసిన మార్పుల మాదిరిగానే మలయాళ మూవీ అయ్యప్పనుమ్‌ కోషియుమ్‌ రీమేక్ లో కూడా పవన్‌ ఇమేజ్‌ కు తగ్గట్లుగా మార్పులు చేర్పులు చేయబోతున్నట్లుగా సమాచారం అందుతోంది.

సాగర్‌ చంద్ర దర్శకత్వంలో ఈ సినిమా ను నాగ వంశీ దర్శకత్వంలో రూపొందుతున్న ఈ సినిమా కు సంబంధించిన చిత్రీకరణ ఇప్పటికే మొదలు అయిన విషయం తెల్సిందే. పవన్‌ తో పాటు ఈ సినిమాలో రానా కీలక పాత్రలో కనిపించబోతున్నాడు. మొదటి నుండి అయ్యప్పనుమ్‌ కోషియుమ్‌ రీమేక్ లో పవన్‌ పాత్రను పెంచబోతున్నారు అంటూ వార్తలు వచ్చాయి. అందుకు సంబంధించిన కీలక ప్రచారం ఒకటి నెట్టింట తెగ సందడి చేస్తుంది. పుకార్లను నిజం చేస్తూ పవన్ పాత్ర నిడివితో పాటు ప్రాముఖ్యతను కూడా పెంచుతున్నారట.

ముఖ్యంగా పవన్‌ పాత్రకు సంబంధించి ఒరిజినల్‌ వర్షన్‌ లో ఎలాంటి ఫ్ల్యాష్‌ బ్యాక్‌ ఉండదు. కాని పవన్‌ ఇమేజ్ కోసం మాస్ మసాలా సీన్స్‌ ను యాడ్‌ చేయడంతో పాటు అన్ని విధాలుగా సినిమాకు కమర్షియల్‌ టచ్‌ ఇచ్చేలా ఫ్ల్యాష్‌ బ్యాక్‌ ఎపిసోడ్స్‌ ను ప్లాన్‌ చేశారట. సినిమా ను అతి త్వరలోనే పునః ప్రారంభించి ముగించేయాలని భావిస్తున్నారని తెలుస్తోంది.