రికార్డుల రాజుగారు.. సినిమాయే లోకం

సినిమా ప‌రిశ్ర‌మ‌లో అంద‌రికీ ఆప్తుడు. సినిమాయే ప్ర‌పంచంగా బ‌తికే ప్యాషనేట్‌ పాత్రికేయుడు. 1000 పైగా సినిమాల‌కు పీఆర్‌ వోగా ప‌నిచేసిన ఏకైక ప‌ర్స‌నాలిటీ. రెండు ద‌శాబ్ధాలు పైగా చ‌రిత్ర ఉన్న సూప‌ర్‌ హిట్ మ్యాగ‌జైన్ అధినేత‌.. నాలుగు స‌క్సెస్‌ ఫుల్ మూవీస్‌ ని నిర్మించిన‌ పాపులారిటీ.. ఇన్ని క్వాలిటీస్ ఒకే వ్య‌క్తిలో ఉంటే, ఇంత ట్రాక్ రికార్డ్ ఒకే వ్య‌క్తి సొంతం అయితే ఆయ‌నే బి.ఎ.రాజు. ప‌రిశ్ర‌మ‌లో ఎంద‌రో ప్ర‌తిభావంతుల్నిగుర్తించి ప్రోత్స‌హించిన మంచిత‌నం ఆయ‌న సొంతం.

హీరోలు - ద‌ర్శ‌కులు - నిర్మాత‌లు - న‌టీన‌టులు - సినీపాత్రికేయులు - 24 శాఖ‌ల టెక్నీషియ‌న్స్ ఇలా అంద‌రితో అత్యంత స‌న్నిహితుడిగా మెలిగి ఇండ‌స్ర్టీలో త‌న‌కంటూ ఓ ప్ర‌త్యేక గుర్తింపు తెచ్చుకున్న స్పెష‌ల్ ప‌ర్స‌నాలిటీ ఆయ‌న‌. నేడు (జ‌న‌వ‌రి 7) బి.ఎ.రాజు పుట్టిన‌రోజు. ఈరోజుతో ఆయన ఇండస్ర్టీలో సూపర్‌ హిట్‌ స్థాపించి 23 సంవత్సరాలు పూర్తయ్యింది. ఈ సందర్భంగా ఆయన మాట్లాడుతూ.. అసలు ఆయన సక్సెస్‌ కు సీక్రెట్ ఏంటో చెప్పొకొచ్చారు. ''ఎవరికైనా ఏదైనా మాటిస్తే దాని మీదే నిలబడటం. టైమ్‌ అంటే టైమ్‌ ఫాలో అవ్వడం. ఎవరితోనైనా సరే చక్కగా మట్లాడటం. స్టార్‌ నైనా.. కొత్తవారినైనా ఒకే విధంగా జెన్యూన్‌ గా ట్రీట్‌ చేయడం'' ఇవే సక్సెస్‌ కు మెట్లు అంటున్నారు రాజు.

ఇకపోతే ఆయన ఈ క్రెడిట్‌ అంతా సూపర్‌ స్టార్‌ కృష్ణ గారికి అంకితం చేస్తున్నారు. కృష్ణ గారి బ్లెస్సింగ్‌ లేకపోతే ఈ పొజిషన్‌ లేదు అంటున్నారు. అన్నట్లు ఈ రోజు ఉదయమే.. సూపర్‌ స్టార్‌ మహేష్‌ బాబు కూడా బిఎ రాజు గురించి ఒక ట్వీట్‌ వేసి మరీ బర్త్ డే విషెస్‌ తెలిపారంటే సూపరే కదూ. హ్యాపీ బర్తడే రాజు గారు.