ఎన్టీఆర్ సినిమాకు అన్నీ ఫిక్స్

ఎన్టీఆర్ తర్వాతి సినిమా విషయంలో ఇక అన్ని ఊహాగానాలకు తెరదించేయవచ్చు. కాస్టింగ్ విషయంలోనే కాదు.. సినిమా ఎప్పుడు మొదలవుతుంది.. ఎప్పుడు విడుదలవుతుంది... అనే విషయాలన్నింటిపై క్లారిటీ వచ్చేసింది. ఈ సినిమాకు పీఆర్వోగా వ్యవహరించబోతున్న బీఏ రాజు ఆ వివరాలన్నీ వెల్లడించారు. ఎన్టీఆర్ సరసన ఇందులో ఇద్దరు హీరోయిన్లు నటించబోతున్నారు. ఒకరు సమంత కాగా.. ఇంకొకరు నిత్యామీనన్.

సమంత విషయంలో ఎన్టీఆర్ అభిమానులు అంత ఆసక్తిగా లేరని.. ఎన్టీఆర్ తో ఆమె ట్రాక్ రికార్డు చూసి కంగారు పడుతున్నారని, అందుకే ఆమెను వ‌ద్దంటున్నార‌ని వార్త‌లొచ్చాయి. కానీ ఈ సినిమాకు లీడ్ హీరోయిన్ గా సమంత‌నే ఫిక్స్ చేశాడు కొర‌టాల శివ‌.బి.ఎ.రాజు కూడా ఈ విష‌యాన్ని ధ్రువీక‌రించారు. జ‌న‌తా గ్యారేజ్ లో రెండో హీరోయిన్ నిత్యామీన‌న్ అని కూడా ఆయ‌న కన్ఫ‌మ్ చేశారు.

ఈ నెల 20న జ‌న‌తా గ్యారేజ్ షూటింగ్ మొద‌ల‌వుతుంద‌ని.. ఆరు నెల‌ల్లో షూటింగ్ పూర్తి చేసి, ఆగ‌స్టు 12న సినిమాను ప్రేక్ష‌కుల ముందుకు తెస్తార‌ని రాజు చెప్పారు. శ్రీమంతుడు నిర్మాణ సంస్థ మైత్రీ మూవీస్ నిర్మిస్తున్న ఈ చిత్రంలో మ‌ల‌యాళ సూప‌ర్ స్టార్‌ మోహ‌న్ లాల్ కీల‌క పాత్ర పోషిస్తుండ‌గా... మ‌ల్లూవుడ్ లోనే హీరోగా ఎదుగుతున్న ముకుంద‌న్ విల‌న్ పాత్ర‌లో క‌నిపించ‌బోతున్నాడు.కొర‌టాల తొలి రెండు సినిమాల‌కు సంగీతాన్నందించిన దేవిశ్రీ ప్ర‌సాదే ఈ చిత్రానికి కూడా మ్యూజిక్ ఇస్తున్నాడు. ఇప్ప‌టికే మ్యూజిక్ సిట్టింగ్స్ కూడా జ‌రుగుతున్నాయి.