బాహుబ‌లి ఖాతాలో అద్బుత‌మైన రికార్డు

విడుద‌లైన తొలి రోజు నుంచి ఇండియాలో క‌లెక్ష‌న్ల‌ రికార్డుల అంతు చూస్తోంది ‘బాహుబ‌లి: ది కంక్లూజ‌న్’. ఫ‌స్ట్ డే.. ఫ‌స్ట్ వీకెండ్ రికార్డుల‌న్నీ బ‌ద్ద‌లైపోయాయి. తొలి వారంలోనే ఇండియాస్ హైయెస్ట్ గ్రాసర్ గానూ నిలిచిందీ చిత్రం. వెయ్యి కోట్ల గ్రాస్ మార్కు అందుకున్న తొలి భార‌తీయ సినిమాగానూ రికార్డు సృష్టించ‌బోతోంది. ఈ రికార్డుల‌న్నీ ఒకెత్త‌యితే.. బాహుబ‌లి-2 ఖాతాలో తాజాగా మ‌రో అద్భుత‌మైన రికార్డు చేరింది. ఇండియాలోని ప్ర‌తి రాష్ట్రంలోనూ తొలి వారంలో అత్య‌ధిక వ‌సూళ్లు సాధించిన సినిమాగా బాహుబ‌లి-2 రికార్డు నెల‌కొల్ప‌డం విశేషం. మొత్తం 30 రాష్ట్రాల్లోనూ ఈ సినిమా ఈ రికార్డు నెల‌కొల్పింది.

తెలుగు రాష్ట్రాల్లో బాహుబ‌లి-2 తొలి వారం వ‌సూళ్ల ప‌రంగా రికార్డు నెల‌కొల్ప‌డం గొప్ప విష‌య‌మేమీ కాదు. అది అంద‌రూ ఊహించిందే. మామూలుగానే ఈ సినిమాపై భారీ అంచ‌నాలుండ‌గా.. భారీ స్థాయిలో రిలీజ్ చేయ‌డ‌మే కాక అద‌న‌పు షోలు.. అధిక రేట్లు పెట్టారు కాబ‌ట్టి ఫ‌స్ట్ వీక్ వ‌సూళ్ల‌లో కొత్త రికార్డులు న‌మోద‌వ‌డంలో ఆశ్చ‌ర్య‌మేం లేదు. కానీ ర‌జినీకాంత్ లాంటి హీరో ఉన్న త‌మిళ‌నాట కూడా ‘క‌బాలి’ నెల‌కొల్పిన రికార్డును బాహుబ‌లి-2 దాటేయ‌డం విశేషం. తొలి వారం ఈ సినిమా త‌మిళ‌నాట రూ.62 కోట్ల గ్రాస్‌.. రూ.51.2 కోట్ల నెట్‌.. రూ.33.28 కోట్ల షేర్ సాధించ‌డం విశేషం. కేర‌ళ.. క‌ర్ణాక‌ట‌క‌.. ఇలా ప్ర‌తి రాష్ట్రంలోనూ తొలి వారం అత్య‌ధిక వ‌సూళ్ల రికార్డును బాహుబ‌లి-2 ఖాతాలో వేసుకుంది. ఈ రికార్డు బ‌ద్ద‌ల‌య్యే అవ‌కాశ‌మే ఉండ‌ద‌ని భావిస్తున్నారు.

Like Us on Facebook : https://www.facebook.com/Tupakidotcom/