​ఆ స్ర్కీన్ లో బాహుబలి కొత్త రికార్డ్

బాహుబలి 2 చేసిన విజయఢంఖా ప్రతిధ్వని ఇంకా చాలా థియేటర్లలో మారుమోగుతోంది. మన తెలుగులోనే కాదు డబ్బింగ్ చేసి విడుదల చేసిన అన్నీ రాష్ట్రాల్లోనూ అన్నీ దేశాల్లోనూ అంతే జోరుగా కలెక్షన్లు చేసింది చేస్తుంది. వచ్చే నెలలో పక్క దేశమైన చైనా లోకూడా విడుదల చేస్తున్నారు మన బాహుబలి 2ని. వరల్డ్ వైడ్ రికార్డులు పక్కనపెడితే ఇప్పుడు మరో దేశి రికార్డు తన సొంతం చేసుకుంది ఈ భారీ చిత్రరాజం.

కేరళలో మన తెలుగు డబ్బింగ్ సినిమాలు అప్పుడుప్పుడు వెళ్ళి పలకరిస్తాయి. అల్లు అర్జున్ సినిమాలైతే సూర్య సినిమాల టైపులో తెగ ఆడేస్తుంటాయి కాని.. ఇతర తెలుగు హీరోల సినిమాలు కాస్త కష్టమే. కాని బాహుబలి మాత్రం హీరో ఇమేజ్ లేకపోయినా ఆడేసింది. గ్రాండ్​​ ​మేకింగ్ వలన రాజమౌళి బ్రాండ్ వలన బాహుబలి 2 విడుదలై ఒక ధియేటర్లో రికార్డులు​ను ​బ్రేక్ చేసింది. కేరళలో త్రివేండ్రంలో ఉన్న ఏరిస్ ప్లెక్స్ మల్టీప్లెక్స్ లొ ఒక సింగల్ స్క్రీన్ లొ వచ్చిన కలెక్షన్ సుమారుగా 2.9 కోట్లు. ఈ మొత్తం కలెక్షన్ కేవలం 38 రోజులలో చేసింది. 1,31,554 టికెట్లు తెగటంతో వచ్చిన కలెక్షన్ అక్కడ విడుదలైన మరే సినిమాకు దక్కలేదు.

బాహుబలి 2 తెలుగులో విడుదలైన నాడే.. ఏప్రిల్ 28 నే.. కేరళలో మలయాళం వర్షన్ విడుదలైంది. డబ్బింగ్ సినిమాగా వెళ్ళినా కూడా అక్కడ సూపర్ స్టార్ సినిమాకు దక్కన్నంత కలెక్షన్లు బహుబలి 2కి రావడం అందరూ ఆశ్చర్యపోతున్నారు. మొత్తానికి బాహుబలి 2 ఆ విధంగా మనకు మరో ఖ్యాతి తెచ్చిపెట్టిందనమాట.

Like Us on Facebook : https://www.facebook.com/Tupakidotcom/