బాహుబలి.. భలే వాడేసుకున్నారు గురూ

అప్పట్లో ఓసారి సీనియర్ దర్శకుడు దాసరి నారాయణరావు ఒక కామెంట్ చేశారు. బాహుబలి సినిమా అనగానే మీడియా వారు కూడా ఫ్రీగా బాగానే ప్రమోషన్లు చేసేస్తున్నారు అంటూ చురకలు వేశారు. అది నిజమే. బాహబలి వారు కేవలం ఒక ట్వీటు వేసినా కూడా అది పెద్ద స్టోరీ అయిపోతోంది. బహుశా ఆ సినిమాను క్రేజును అందరూ అలా క్యాష్‌ చేసుకోవాలని చూసుకుంటున్నారు కాబోలు.

ఇకపోతే ఓ రెండు రోజుల క్రితం హైదరాబాద్ సైమా అవార్డుల కార్యక్రమం జరిగింది. అక్కడ కూడా బాహుబలిః ది కంక్లూజన్ సినిమాను ప్రమోట్ చేయడానికి మనోళ్లు ఒక స్టాల్ పెట్టారు. బాహుబలి వర్చువల్ రియాల్టీ వీడియోను చూడండి అంటూ సెలబ్రిటీలను ఆహ్వానించారు. అలా వచ్చిన ఎన్టీఆర్ వంటి హీరోలు.. శ్రీయ.. రకుల్.. సంజన వంటి హీరోయిన్లు అక్కడే ఉన్న కత్తులూ కటారులతో ఫోజులిచ్చారు. మామూలుగా ఏదన్నా సినిమా కోసం ఆడియో ఫంక్షన్ కు రమ్మంటే లక్షల్లో అడిగే ఈ భామలు.. ఇలా ఫ్రీగా ఇప్పుడు బాహుబలిని ప్రమోట్ చేస్తుంటే.. అసలు మన బాహుబలి బ్యాచ్ వీళ్లను భలే వాడేసుకున్నారని అనిపంచడంలేదూ.

ఇదే విధంగా ఈ హీరోలూ హీరోయిన్లు ఇతర సినిమాలను కూడా ప్రమోట్ చేస్తే బాగుంటుందేమో.

Like Us on Facebook : https://www.facebook.com/Tupakidotcom/