బాహుబలి వేట మొదలైంది

సెంటర్లతో సంబంధం లేకుండా, భాషాబేధం లేకుండా.. దేశంలోని రికార్డులన్నిటినీ తుడిచేసింది బాహుబలి. ఓ డబ్బింగ్ మూవీతో ఇంతగా కలెక్షన్లు కొల్లగొట్టచ్చని.. అనేక ఇండస్ట్రీలకు ప్రాక్టికల్ గా రాజమౌళి నిరూపించాడు. కాసుల కలెక్షన్ వేట తగ్గిన టైంలో.. జక్కన్న మరో వేట మొదలుపెట్టేశాడు. అదే అవార్డులు.

తాజాగా హైద్రాబాద్ లో ఎన్డీటీవీ గ్యాడ్జెట్స్ గురూ అవార్డుల ఫంక్షన్ నిర్వహించింది. ఇందులో బాహుబలికి బెస్ట్ స్పెషల్ ఎఫెక్ట్స్ అవార్డ్ సొంతమైంది. భల్లాలదేవుని పాత్రధారి రాణా.. ఈ అవార్డ్ అందుకున్నాడు. గ్రాఫిక్స్ టీంకి - ప్రత్యేకంగా చీఫ్ స్పెషల్ ఎఫెక్ట్స్ సూపర్ వైజర్ శ్రీనివాస్ మోహన్ కి అభినందనలు తెలిపాడు.

వాస్తవంగా చెప్పాలంటే.. బాహుబలి అవార్డుల వేటలో ఇది ప్రారంభం మాత్రమే. ఈ ఏడాదికి సంబంధించి, ఏ అవార్డుల ఫంక్షన్ లో అయినా.. స్పెషల్ ఎఫెక్ట్స్ కేటగిరీలో విన్నర్ గా బాహుబలికి అవార్డ్ ఖాయంగా చెప్పుకోవాలి. అంతే కాదు.. మరిన్ని విభాగాల్లోని జక్కన్న ప్రతిష్టాత్మక చిత్రానికి అవార్డులు, రివార్డులు వచ్చిపడతాయి. ప్రపంచవ్యాప్తంగా ఈ చిత్రాన్ని పలు అవార్డ్ కమిటీలకు పరిశీలనకు పంపుతున్నారు. అన్నీ పూర్తైన తర్వాత.. బాహుబలి అవార్డులకో మ్యూజియం ఏర్పాటు చేయాల్సి వస్తుందేమో ?