పంజాబ్ లో బాహుబలి బల్లే బల్లే

సినిమా మాధ్యమానికి ఉన్న గొప్పదనమే అది. బాష ఏదైనా ఎవరు తీసినా కనెక్ట్ అవ్వాలే కాని దాని ప్రభావం చాలా రోజుల పాటు ఇంకా చెప్పాలంటే కొన్నేళ్ళ పాటు అలాగే ఉంటుంది. అలా ఫ్లాష్ బ్యాక్ కు వెళ్తే శివ విడుదలైన సమయంలో సైకిల్ చైన్ చేతిలో పట్టుకుని తిరగడం ఫ్యాషన్ గా యూత్ చాలా కాలం ఫాలో అయ్యారు. హీరోలను స్పూర్తిగానో ఆదర్శంగానో తీసుకుని వాళ్ళ దారిలో నడవాలి అనుకోవడం చూస్తూనే ఉంటాం. ఇప్పుడు బాహుబలి కూడా అదే తరహా మేనియాని ఇంకా కొనసాగిస్తూనే ఉంది. బాహుబలి 2 విడుదలై ఏడాది గడిచి టీవీ ఛానల్స్ లో సైతం లెక్కలేనన్ని సార్లు ప్రసారం అయినా ఇంకా దాని తాలూకు ఎఫెక్ట్ దేశంలో ఎక్కడో ఒక చోట కనిపిస్తూనే ఉంది. పైన ఫోటో చూసారుగా. ఇదేదో మన రాష్ట్రంలో తీసుకున్నది అయితే అసలు ఇక్కడ చర్చ కూడా అవసరం లేదు. కాని ఇది పంజాబ్ రాష్ట్రంలోని ఒక జిమ్ లో తీసుకున్న యువకులది.

పంజాబ్ లో ఇప్పటి దాకా విడుదలైన సినిమాలన్నింటిలోకి బాహుబలినే హయ్యస్ట్ గ్రాసర్. ఇప్పటికీ ఆ రికార్డు సేఫ్ గానే ఉంది. ప్రభాస్ కు అక్కడ విపరీతమైన ఫాన్ ఫాలోయింగ్. అమ్మాయిల్లో మామూలే కాని అక్కడ అబ్బాయిలు కూడా ప్రభాస్ ను ఐకాన్ గా మార్చుకున్నారు. అందుకే తాము వెళ్ళే జిమ్ లో ఇలా ప్రభాస్ లైఫ్ సైజు పోస్టర్ ఒకటి పెట్టేసుకుని అందులో మహేంద్ర బాహుబలి లాగా తమ బాడీని కూడా సిక్స్ లేదా ఎయిట్ ప్యాక్ చేసుకునేలా కసరత్తులు చేస్తున్నారట. ఎందుకయ్యా అంటే పంజాబీ సినిమాల్లో ఇంత హీరోయిక్ కనిపించిన మొదటి వ్యక్తి ప్రభాసేనట. తన కొత్త సినిమా సాహో కోసం ఇప్పటి నుంచే వెయిట్ చేస్తున్నామని చెప్పారు. ఏదైనా టాలీవుడ్ హీరోలకు కూడా కష్టసాధ్యంగా అనిపించిన జాతీయ స్థాయి గుర్తింపు ఇమేజ్ ని ప్రభాస్ తన ఐదేళ్ళ కష్టం బాహుబలితో తెచ్చుకోవడం నిజంగా గ్రేటే. కురాళ్ళు చూస్తుంటే ప్రభాస్ ని ఆదర్శంగా తీసుకుని అన్నంత పని చేసేలా ఉన్నారు. ఏదేమైనా తెలుగు సినిమా ఇలా ఇతర రాష్ట్రం యువతను కూడా పాజిటివ్ గా టర్న్ చేయటం అంటే సంతోషించే విషయమే .